تعريف القرآن عند الاصوليين والفقهاء

من طرف **زهرة** الخميس ديسمبر 13, 2012 3:10 pm

تعريف القرآن عند الأصوليين والفقهاء وأهل العربية

هو كلام
الله المُنزَّل على نبيه محمد صلى الله عليه وسلم المُعجِز بلفظه
المُتعَبَّد بتلاوته المنقول بالتَوَاتُر المكتوب في المصاحف من أول سورة
الفاتحة إلى آخر سورة الناس

إخراج مُحتَرزات التعريف

خرج بقوله " المنزل على نبيه محمد " المنزل على غيره من الأنبياء كالتوراة والإنجيل والزبور والصحف

وخرج بقوله " المعجز بلفظه المتعبد بتلاوته " الاحاديث
القدسية على الرأي بأن لفظها من عند الله فإنها ليست معجزة ولا متعبدا
بتلاوتها

وخرج بقوله" المنقول بالتواتر ........ إلخ " جميع ما سوى القرآن المتواتر من منسوخ التلاوة والقراءات غير المتواترة

سواء نقلت بطريق الشهرة كقراءة ابن مسعود في قوله تعالى في كفارة الأيمان " فصيام ثلاثة أيام " بزيادة متتابعات

أو بطريقة الآحاد مثل قراءة " متكئين على رفارف خضر وعباقري حسان " بالجمع فإنها ليست قرآنا ولا تأخذ حكمه

شرح التعريف بالقرآن :

معجز يعني فيه إعجاز

يعني بنسمع دايما إن القرآن فيه إعجاز لغوي

وإعجاز علمي وفيه أخبار غيبية بتتحقق كل يوم

يعني فيه معجزات

أو نقدر نقول هو معجزة الرسول صلى الله عليه وسلم

أما الأحاديث القدسية كلام الله سبحانه وتعالى برضه بس مش فيها إعجاز القرآن

طيب إزاي معجز بلفظه ؟

مش الله سبحانه وتعالى تحدى الكفار من الانس والجن في القرآن إنهم يجيبوا زي القرآن معرفوش ( فليأتوا بحديث مثله إن كانوا صادقين )

فتحداهم يجيبوا 10 سور بس معرفوش

(أَمْ يَقُولُونَ افْتَرَاهُ قُلْ فَأْتُوا بِعَشْرِ
سُوَرٍ مِثْلِهِ مُفْتَرَيَاتٍ وَادْعُوا مَنِ اسْتَطَعْتُمْ مِنْ دُونِ
اللَّهِ إِنْ كُنْتُمْ صَادِقِينَ) [هود: 13].

فتحداهم بسورة واحدة برضه معرفوش

(أَمْ يَقُولُونَ افْتَرَاهُ قُلْ فَأْتُوا بِسُورَةٍ
مِثْلِهِ وَادْعُوا مَنِ اسْتَطَعْتُمْ مِنْ دُونِ اللَّهِ إِنْ كُنْتُمْ
صَادِقِينَ) [يونس: 38].

وبالنسبة لمعنى خرج

إحنا عايزين نجيب تعريف أول ما نقوله نعرف إن المقصود القرآن بس مش أي حاجة تانية

يعني مثلا لو قلنا هو كلام الله وبس

ممكن يجي في بالنا غير القرآن التوراة والآنجيل فعايزين نخرج التوراة والانجيل من التعريف ده ونسيب القرآن بس

فنقول هو كلام الله المنزل على رسوله يبقى قصدنا كلام الله المنزل على الرسول محمد يبقى القرآن وبس.

وبنفس الطريق هنخرج من التعريف ده أي حاجة غير القرآن

يعني برضه المتعبد بتلاوته

زي ما شرحنا من شوية في آيات كانت نزلت وبعدين اتنسخت

يعني أنا لو قرأتها دلوقتي أكون بقرأ قرآن ؟

لأه طبعا

فعلشان كده خرجنا الآيات المنسوخة من التعريف

وهكذا في الباقي