الحلقه السابعه:لماذا ينزل الوحي بمكه(الجزء الرابع والاخير)

الحكمه الخامسه :
********
من
وراء نزول الرساله فى هذا المكان ان اهل هذه البقعه من الارض كانوا يؤمنون
بالله سبحانه وتعالى يعلمون انه خالق ولكنهم حكموا غيره في حياتهم
واتخذوا إليه شفعاء سبحان الله .
قال
الله عزوجل فى كتابه الكريم (ولئن سألتهم من خلقهم ليقولن الله ) سبحان الله &
(ولئن سألتهم من خلق السموات
والارض ليقولن خلقهن العزيز العليم ) ثم يقول (والذين اتخذوا من دونه اولياء ما نعبدهم الا ليقربونا الى الله
زلفى )

الذى يؤمن بالله ولكن هناك
اضطراب في فهمه وقصور فى ادراكه اقرب من الذى يؤمن بإله اخر او لا يؤمن بوجود إله
اصلا
.
مكانش
فى وقت البعثه النبويه على الارض من يفقه هذه الحقائق الا
قليل القليل كان هناك على ضهرالارض من يعبد النار ، كان هناك من يعبد بوذا ،
كان هناك من يعبد المسيح عليه السلام ، كان هناك من يعبد بقره او شجره او فار او
قرد زى ما انتوا عارفين في الهند.
لكن ربنا سبحانه وتعالى بيعلمنا حاجه مهمه جدا - بيعلمنا
ان ندعوا الاقرب فالأقرب .... ندعوا الذى يؤمن بوجود الله عز
وجل قبل الذى ينكر وجوده ، ندعوا الذى يُعظم الله عز وجل قبل الذى لا يُعظمه ،
ندعوا الذى يحب الدين ولكن لا يتبعه قبل الذى لا يحبه اصلا.

يبقى
دي قواعد ربنا بيقولنا الاقرب فالاقرب

طبعا
انا مش ضد دعوة اليهود والنصارى وضد دعوة
اهل الارض اجمعين بالعكس دا امر عظيم وعظيم جدا جدا ،ولكن أبدأ بالاقرب
فالاقرب
.
يعنى
متسيبش جارك فى السكن او فى العمل او فى النادي او فى غيره
دون دعوه وهو مسلم وتتجه لدعوه غيره من غير المسلمين .
لكن
لو خلصت الدايره اللي حواليك انتقل الى الدايره التي تليها ولما تنتقل الى الدايره
التى تليها دور على الناس اللي بتحب الاسلام ولكن مش ملتزمه دولت هايكونوا اقرب الى
الدعوه من الناس اللي هيه اصلا معاديه لدين الله عز وجل تعليم لحكمه
الدعوه فى سبيل الله عز وجل
.

الحكمه السادسه :
*********
من نزول الرساله فى هذا
المكان دى حكمه حقيقه مهمه جدا جدا وفيها تفريعات كتير انا هامرعليها بايجاز ان شاء الله ربنا سبحانه وتعالى
يفتح لنا من الوقت والدروس ما نتحدث فيه بالتفصيل عن
هذه النقطه
.

مع كل ما ذكرناه فى الدرس
السابق من اجواء اخلاقيه وامراض اجتماعيه فى جزيره
العرب الا انه كانت فيه صفات اصيله فى فطرة ساكني هذه
المنطقه تساعد على حمل
الدعوه ونشر الرسالة .

اه كان عندهم مشاكل كتير كان عندهم ظلم كان
عندهم قهر كان عندهم كذا وكذا وكذا لكن كان عندهم صفات
جبلوا عليها خلقوا يحبونها
هذه الصفات لابد - لابد ان تكون في كل داعيه.

لو المواصفات دي مش موجوده
مستحيل تعرف تشيل رسالة الاسلام

الصفات ديت على سبيل المثال منها الصدق وده اهم حاجه ، اهم صفه مميزه للداعيه صفه الصدق .
شوف حتى الرسول صلى الله
عليه وسلم اهم صفه مميزه له الصدق " الصادق الامين " صلى الله عليه وسلم .
مين اكتر واحد ساعد الرسول صلى الله عليه
وسلم فى دعوته ابو بكر الصديق رضى الله عنه وارضاه اسمه أيه ؟؟؟
ابو بكر الصديق
.
صفة الصدق دى صفه اساسيه
للذي يحمل هم هذا الدين فكر معايا كده ماذا اذا انزلت الرساله على قوم كذابين تفتكر لو الكدب منتشر فى بيئه من
البيئات ونزل عليه الرساله هايحصل ايه ؟؟؟
شوفوا اللي عمله اليهود والنصارى فى
دينهم ربنا بيقول عليهم ايه:
(وان منهم لفريقا يلوون
السنتهم بالكتاب لتحسبوه من
الكتاب وما هو من الكتاب ويقولون هو من عند
الله وما هو من عند الله
ويقولون على الله الكذب وهم يعلمون )
سبحان الله
- نعم الاسلام يحول الكذاب الى
صادق ، لكن ليس بالصوره التى فُطر فيها الاسلام
على الصدق
.
العرب يااخوانى كانوا يأنفون
من الكذب يستنكر ان يكون كذاب يأتى الاسلام بعد ذلك ليحسن ويجمل ويعظم قيمه الصدق عند هؤلاء الصادقين يربط الامر بالجنه يربطه
برضا الله عز وجل لكن فى الاخر الامر كان مزروع جواهم
موضوع الصدق ده
.

العربى كان مش ممكن يكدب صعب عليه اوي انه يكدب

شوف كده القصه اللطيفه بتاعه هرقل لما كان بيتكلم مع
ابى سفيان
عن امر رسول الله صلى الله عليه وسلم
هرقل كان بيسأل ابو سفيان اسئله

عن الرسول الذى ظهر فيهم و ابو سفيان ساعتها كان مشرك -كان بعد صلح الحديبيه وكان لسه
مشرك وبيحارب الرسول صلى الله عليه وسلم- ومع ذلك شوف كده الكلام اللي بيقوله ابوسفيان يقول
:
كنت انا اقربهم نسبا الى
رسول الله صلى الله عليه وسلم - فبدأ هو اللي يتكلم - فقال هرقل أدنوه منى -قربوه- ثم قال وقربوا اصحابه فاجعلوهم
عند ظهره ، ثم قال لترجمانه
انى سائل هذا عن هذا الرجل فان كذبنى فكذبوه
- يعنى ايه ؟؟ يعنى جاب ابوسفيان حطه قدامه وبدأ يسأله وحط اصحاب ابوسفيان وراه وقالهم لو كدب قولوا
انه بيكدب - شوف ابوسفيان يقول ايه ؟ بيقول:
فوالله
لولا الحياء من ان يأثروا
علي كذبا لكذبت عنه - هو بيكره جدا لكن مستحي يكدب لان الكدب رذيله - وفى لفظ اخر يقول فوالله لو كذبت ماردوا علي
- لانه سيد فى القوم لن يردوا عليه هذا الكلام - ولكنى كنت امرءا سيدا اتكرم على الكذب
- شوف اد ايه وبعدين الحوار بأه اللى دار بينه وبين هرقل حوار عجيب كأنه بالظبط واحد بيتكلم عن
الاسلام وبيدعوا للاسلام هرقل
-
بيقوله : كيف نسبه فيكم ؟؟ يقول هو فينا ذو نسب - دا كلام ابى سفيان -
هرقل بيقوله : هل قال هذا
القول منكم احد قط قبله - يعنى جايز بيكرر كلام الناس اللي سبقوه- قلت لا .
قال : هل كان من ابائه من
ملك ؟؟؟ - جايز بيدور على ملك آبائه - قلت لا .
قال : فأشراف الناس اتبعوه
ام ضعفاءهم؟ ... قلت : بل ضعفاؤهم.
قال : أيزيدون ام ينقصون؟؟؟
... قلت : بل يزيدون
.
-عمال يتكلم ويعظم فى أمر الاسلام -
قال : فهل يرتد احد منهم
سخطة لدينه بعد ان يدخل فيه -في حد ساب الاسلام - قلت لا .
قال : فهل تتهمونه بالكذب
قبل ان يقول ما يقول ؟ ....قلت لا.
قال هرقل : فهل يغدر ؟ قلت لا ونحن منه فى مده لا ندري ماهو فاعل فيها .
قال
ابوسفيان ولم تمكنى كلمة أُدخل فيها شيئا غير هذه الكلمه .
- يعنى ايه ؟؟؟ يعنى بيقوله نحن في مده لا ندري ماهو فاعل فيها
يعنى احتمال يغدر لكن هو
قال لم يغدرقبل ذلك
-
قال : فهل قاتلتموه ؟ قال نعم .
قال : فكيف كان قتالكم اياه
؟ قلت الحرب بيننا وبينهم سجال ينال منا - زي بدر - وننال منه - زي أحد -
قال : ماذا يؤمركم ؟؟ وخلى بالك واسمع ابو
سفيان بيقول ايه ؟
قال : ماذا يأمركم ؟؟ قال
: ابى سفيان يقول اعبدوا الله وحده ولا
تشركوا بيه شيئا واتركوا ما يقول اباؤكم ويأمرنا بالصلاة والزكاة والصدق والعفاف والصله
.... ايه ده داعيه ؟!!!
مش قادر يكذب قال كل اللي قاله الرسول عليه الصلاه والسلام لخصه لهرقل لانه بيكره الكذب يا أخوانى
.

لما تنزل الرساله على ناس
بهذا التكريم لصفه الصدق يبقى هيقدروا يتحركوا
بالرساله بأمانه ويقولوها للناس زي مانزلت عليهم
بالظبط يبقى دى كانت صفه
هامه جدا جدا فى أهل الجزيره العربيه ومكانتش
موجوده فى أهل الارض فى هذا
الزمن صفه الصدق .

الصفه التانيه
:
الهايله جدا جداوالعظيمه جدا
جدا فى أهل العرب لمانزلت الرساله فيهم كانت
صفه الكرم
.
صفه اصيله في العرب .
حاتم الطائى
طبعا بيُضرب بيه المثل كان
يعتق العبد اذا جاء له بضيف، جايبله ضيف ياكل
عنده يعتقه لانه بيحب الكرم
وبيحب يأكل الناس.

منهم من العرب من لم تكن له الا ناقه واحده يجيله ضيف يدبحهاله هى ناقه واحده عنده يدبحها هذه الناقه كرم منه.

لدرجه العرب سموا العنب كرم
- العنب ليه سموه كرم ؟؟؟
العنب بيطلعوا منه الخمر ولما الواحد
بيشرب الخمر بيروح عقله عنه ويبتدي ينفق بلا حساب بلا
تركيز العقل مفيش اى سيطره
عليه فمن حبهم فى الكرم سموا الخمر التى تؤدى
الى الانفاق بدون حساب سموها
كرم .

طبعا الاسلام جاء ليهذب هذه
الصفه النبيله صفه الكرم فلا يصل
الامر الى حد الاسراف والسفه وبرضه لا يصل الامرالى حب الخمر لانها تدفع الى الكرم
، لكن حرم الله عز وجل الخمر ، ونهى رسول
الله صلى الله عليه وسلم عن
تسمية العنب بالكرم ، وقال انما الكرم المؤمن .

برده شجع الناس انها تكون
كريمه بس مش لدرجه انها تشرب الخمراو تسرف او تكون
سفيهه .

تخيل بأه ان الاسلام ينزل
عشان يقنن الكرم عشان يحده شويه فيدخل فى حدود المعقول طيب احنا محتاجين الكرم فى أيه في انشاء الامه الاسلاميه خللى بالك ربنا سبحانه لما
بييجي يتكلم عن الناس اللي هاتشيل هذه
المسئوليه يخلي نص الجهاد بالمال
نص الجهاد محتاج كرم
(الذين امنوا وهاجروا وجاهدوا في سبيل الله
باموالهم وانفسهم اعظم درجه عند الله واولئك هم الفائزون )

كثير من ايات القرءان الكريم
جاءت على هذا المنوال يقدم الله عزوجل الجهاد
بالمال حتى على الجهاد بالنفس امر الناس كلها محتاجاه .
انظروا الى اثرهذه الصفه فى
الدعوه الاسلاميه زي ماهتشوفوا ان شاء الله في
الدروس....
ابو بكرالصديق
الكريم رضي الله عنه وارضاه
انفق الاموال الكثيره في اعتاق العبيد تجهيزالجيوش بالاموال الكثيره الانفاق على الهجره بالاموال الكثيره- كريم
-
عثمان بن عفان
رضي الله عنه وارضاه اذاى
جهز جيش تبوك كله على حسابه شراء بئر روما توسعة المسجد النبوي اطعام المدينه في زمان القحط
.
عبدالرحمن بن عوف
ازاى اتصدق بقافله تجاريه
كامله في سبيل الله اكتر من 700 ناقة داخلين المدينه
المنوره كلها في سبيل .
طلحه بن عبيد الله
ازاى
انفق
700الف درهم في يوم واحد على الفقراء - 700الف درهم- .

الكلام ده مش ممكن يتحقق لو
كان الناس فيها بخل فطرى ، الكرم يااخوانى شئ هام جدا جدا لبناء الامه
الاسلاميه ،الراجل الذى يتصف اصلا بالبخل من الصعب ان يصل لهذه الدرجات من الانفاق بناء الامم يا اخوانى
يحتاج الى كرماء
والى بذل والى
انفاق .
الدرس ده اتعلمناه من
نزول الرساله فى ارض مكه وارض الجزيره العربيه

صفه تالته
:
كانت موجوده فى العرب الشجاعه
.
كان العرب يفتخرون بالموت قتلا الكلام ده
قبل ماتنزل الرساله عليهم الكلام ده .
قبل الاسلام كانوا يفتخرون بالموت
قتلا ، يستهينون بالحياه تماما ، معندوش اى مانع انه يفقد
حياته كلها وفاءا بكلمته او
دفاعا عن صديقه او حماية لجواره.

قال احدهم لما بلغه قتل اخيه واحد
عرف ان اخوه مات اتقتل قال ايه ؟؟
قال ان يقتل فقد قتل ابوه واخوه وعمه حاجه -يعنى
مفرحاه جدا
- ان يقتل فقد قتل ابوه واخوه وعمه
انا
و الله لانموت حتفا - مانموتش كده على السرير...
لاء - ولكن قطعا باطراف الرماح وموتا تحت ظلال السيوف
....سبحان الله.

اذا كنا قد ذكرنا منذ قليل ان نصف الجهاد بالمال فالنصف الاخر
بالروح .
وهذا اشق بناء الامم كما
يحتاج الى اموال وكرم يحتاج الى ارواح والى همم.

الجبان قد يقتنع بقضيه ما ولكنه لايقوى قلبه ابدا على الاقدام
عليها ، اما العرب فسبحان الله كانت شجاعتهم فطريه .

هذا ساعد الامه الاسلاميه ان تنشأ وتنمو بسرعه فى هذه البيئه شفنا اثر الشجاعه فى قيام امة الاسلام
.
شفنا
خالد بن الوليد
رضى الله عنه وارضاه ازاي كان بيبدأ المعارك بنفسه " اذا رأيتمونى حملت على العدو
فاحملوا "هو اول علامه للقتال - اول اشاره للقتال انه هو بدأ يتحرك
مع انه قائد الجيوش ، وممكن
يقف ورا لكن مش خايف - مش خايف من
الموت بالمره .
البراء بن مالك
رضى الله عنه وارضاه ألقاه جيش المسلمين في موقعة
اليمامه داخل حديقة الموت اللي كان فيها مسيلمه الكذاب ومعاه اربعين الف من المرتدين حتى يفتح لهم الباب من الداخل - تخيلوا يترمي وسط اربعين الف
بني ادم مش همه.

قضيه الحياه ديه مش فى دماغه بالمره

جه الاسلام بأه يحسن
ويجمل من هذه الصفه يخليها في سبيل الله خليك تموت عشان تخش الجنه تموت
عشان تبأه شهيد في سبيل الله .
لكن الجبان صعب انك تزرع فيه المعاني ديت
يبقى
صفه الشجاعه صفه فى غاية الاهميه لبناء الامه الاسلاميه .

صفه
تانيه :
كانت
موجوده فى العرب وهامه جدا جدا صفه العزه .
العربي
بفطرته يأبى ان يعيش ذليلا ، يأنف من الذل يرفض الضي يعشق الحريه .

شوفوا
كلام عنتره وعنتره ده كان كافر قبل الاسلام ومات كافر قبل الاسلام يقول لا تسقنى ماء الحياه في بذلة
بل تسقنى بالعز كأس الحنظلى تخيل يعنى لو فيه حاجه
تخليني اعيش طول العمر ابد الابدين بس اعيش ذليل مش عايزها خلينى اشرب المر
اشرب الحنظل وانا عايش عزيز بل فاسقنى بالعز كأس الحنظلى ماء الحياة بذلة
كجهنم وجهنم بالعزة اطيب منزلى طبعا عنتره مكانش يؤمن بجهنم مكانش يعرف ان
فيه بعث اصلا كان كافر قبل الرساله لكن يقصد بجهنم النار الشديده يعنى
بيقول قعدنى فى وسط النار الشديده مرفوع الراس احسن ما تعيشنى طول العمر
مذلول بره النار .

هو
ده كان موقف العرب من العزه و العزه ده شئ الامه
الاسلاميه محتاجاه اشد الاحتياج ، لا شك ان الامه التى تنشأ على هذه الروح وهذه
العزه لابد ان تسود وان تقود ييجي الدين الاسلامي يوجه هذه العزه لله عز
وجل....
(من كان يريد العزة فلله العزه
جميعا )

عشان
كده كان قبول المسلمين في فترة مكه بفكرة عدم القتال وعدم رفع الظلم الذى وقع عليهم
قبولهم بهذه الفكره كان اصعب عليهم واشق من قبول فكره الجهاد فى سبيل الله
وبذل الروح .
بعد
ذلك لما ذهبوا الى المدينه المنوره ده كان اصعب عليهم .....ليه ؟
لانهم
اتعودوا على العز اتعودوا يكونوا رافعين الراس اتعود انه يكون عزيز وميقبلش
الظلم ودى صفه لاتنفك عن اولئك الذين يحملون امانة اقامة هذه الامه .

الصفه
برضه اللي هاقولها فى العرب ودى ......
الصفه
الاخيره
اللي هاذكرها فى هذه
المحاضره وان كانت صفاتهم الجميله كتيره الصفه هي الصبر وقوة التحمل.
اكتسب
العرب هذه الصفه من طبيعه البلاد الى عايشين فيها بلاد جافه وظروف المعيشه صعبه وقاسيه
كانوا بصفة عامه بعاد عن الترف .
كانت
هذه الصفه - الصبر- من الصفات العظيمه
التى كفلت للدعوه النجاح ،كان لابد من صبر لتحمل مشاق الرساله الضخمه الصبر على الفقر ولمدد طويله صبر
على الجوع الجهاد ممكن يحتاج لجوع فتره طويله جدا لا
يقيم صلبه الا بتمرات قليله صبر على المشقه والحر والتعب والسفر الطويل
والحصار الاطول ، صبر على القتال والنزال والجهاد ، صبر حتى على تأخر النصر....لا
يستعجل لايمل لا يضجر .
من
كانت هذه صفته ياأخوانى وكان بعيدا عن الترف كان دعامة
راسخه للامه الاسلاميه اذا كانت هناك حكمه عظيمه جدا فى اختيار هذا المكان
دون غيره حتى تنزل فيه الرساله وتنشأ فيه الامه هناك صفات خاصه جدا تمتع
بها هذا المكان وصفات تمتع بها ساكني هذا المكان ولو تكررت هذه الصفات في
زمن من الازمان فستقوم الامه من جديد بنفس الطريقه وبنفس النجاح ان شاء الله .

يبقى نقدر نلخص الدرس ده فى
نقاط معينه او فى قواعد معينه هامه جدا جدا لبناء الامه الاسلاميه 10...
عشر قواعد:
القاعده الاولى /
بتقول ايه لابد ان تحافظ
الامه على نقاء رسالتها ووحدة مصدرها وعدم خلط القرءان والسنه بالمناهج الاخرى
.
دي اول
قاعده

القاعده التانيه
/
النصر من عند الله عز وجل قد
جرت سنة الله عز وجلان ينصرالقله المؤمنة على الكثره المشركه .

القاعده
الثالثه
/
على
المسلمين ان يستفيدوا من كل قانون موضوع
مالم يكن هناك تعارض مع الشرع والعقيده الصحيحه فان حدث
التعارض يقدم كتاب الله عز وجل وسنة رسوله صلى الله عليه وسلم .

القاعده
الرابعه
/ الجيل الذى يستطيع ان يبني هذه
الامه هو جيلا يتقن اللغه العربيه يتقنها
ويعظمها ويتعلم اللغات الاخرى ولكن لايقدمها على لغة القران.

القاعده
الخامسه
/ أبدأ بدعوه الاقرب فالاقرب واقرب
الناس الى الاستجابه هم المسلمون انفسهم جيرانك وحبايبك واصحابك فابدأ بهم .

القاعده
السادسه
/ لا تقوم الامم الا على اكتاف
الصادقين .

القاعده
السابعه
/ ابدأ بالكريم فانه اقدر على حمل
الدعوه .

القاعده
التامنه
/ الجبان قد يقتنع بقضيه ما ولكن لا
يقوى قلبه على الدفاع عنها فعليك بالشجاع .

القاعده
التاسعه
/ لا يحرص على قيام الامه الا
عزيزالنفس ومن كان يرضى بالذل قَبِل ان يكون في ذيل الامم .

القاعده
العاشره
/ الترف مهلك والمعتمد على المترفين
كالذى يبنى قصرا على الرمال فابحث عن من
كان الصبر صفته وعن من كانت المجاهده حياته.

كانت
هذه القاعده الاخيره المستخرجه من هذه المحاضره و تلك عشره كامله ...
اسأل
الله ان ينفعنى وينفعكم بها وان ينير طريقنا بمنهج القران وبهدى المصطفى صلى الله
عليه وسلم....
فستذكرون
ما أقول لكم وافوض امرى الى الله ان الله بصير بالعباد
.
وجزاكم
الله خيرا كثيرا.
والسلام
عليكم ورحمه الله وبركاته

الحلقه السابعه:لماذا ينزل الوحي بمكه(الجزء الرابع والاخير)

الحلقه السابعه:لماذا ينزل الوحي بمكه(الجزء الرابع والاخير)

رد: الحلقه السابعه:لماذا ينزل الوحي بمكه(الجزء الرابع والاخير)

رد: الحلقه السابعه:لماذا ينزل الوحي بمكه(الجزء الرابع والاخير)

رد: الحلقه السابعه:لماذا ينزل الوحي بمكه(الجزء الرابع والاخير)

رد: الحلقه السابعه:لماذا ينزل الوحي بمكه(الجزء الرابع والاخير)