الحلقه الخامسه لماذا ينزل الوحي في مكه (الجزء الثاني)

الحكمه التانيه :
*****************
من نزول الرساله فى جزيره
العرب اوفى مكه او فى هذه المنطقه بصفة عامه :

أن هذه المنطقه ليس لها
تاريخ أو واقع عسكرى ملموس .لم يكن هناك ما يعرف بالجيوش العربيه او الجيش العربي .... لا لا
.
كانوا
حاجات
متفرقه جداا ، قبائل متفرقه
متشرذمه ،لا يعرفون إلا حرب الإغارات
والسطو فقط ، لايعرفون
الجيوش النظاميه ومكانوش أصلا يحلموا بيها.
أعدادهم قليله وسلاحهم قديم والخطط بتاعتهم
بدائيه - ده كان الوضع العسكري للعرب -

وبعدين سبحان الله الاسلام جه فى هذه البقعه من الارض
أيه اللي حصل ؟؟؟
أنقلاب هائل - هائل بمعنى الكلمه ، إذا
بالرجال البسطاء البدو هؤلاء الذين كانوا يعيشون فى هذا المكان يصبحون قاده عسكريين على أعلى المستويات
- على أعلى المستويات والله - .
مفيش فى التاريخ كله زيهم - دي يا أخوانى والله مش
مبالغه - فعلا مفيش فى التاريخ كله زي القاده العسكريين بتوع الاسلام.

وإذا بالقبائل المتفرقه
تُكون جيشا واحداً مترابطاً ، وإذا
بالبدو الرُحل - يا سبحان الله - يحاورون ويناورون ويفاوضون ويفتحون البلاد ويدعون العباد إلى
عبادة رب العباد - سبحان الله - .

أقرأوا التاريخ يا أخوه ويا
أخوات ، أقرأوا عن الفتوح الاسلاميه الاعجازيه ، فعلا مفيش زي كده فى التاريخ كله ،راجعوا التاريخ من أول نزول
أدم ولحد دلوقتى أدونى مثل بس بيقرب ولو من بعيد بالفتوحات الاسلاميه
.

كل هذا فى غضون سنوات قلائل جدااجداا ......
تسقط فارس - فارس الدوله الرهيبه
العظيمه فى غضون 13 سنه بس بعد وفاة الرسول صلى الله عليه
وسلم
- 13 سنه - تخيلوا تسقط دوله بحجم دوله فارس
.....
انتوا عارفين فارس يعنى أيه؟؟؟
فارس يعنى ايران ويعنى
العراق ويعنى أوزبكستان وتركمانستان وطاجكستان
وكزاخستان وافغانستان
وباكستان .

- شيئ خرافى لا يُتخيل
-
نص الارض تقريبا تسقط فى
13 سنه على أيدي هؤلاء البدو
الرُحل .

كذلك تسقط معظم ممتلكات
الدوله الرومانيه فى أسيا وافريقيا
فى نفس الفتره ، وقت متزامن .
معجزه عسكريه هائله بكل المقاييس من
المستحيل تماما - من المستحيل - أن تكون من فعل البشر .

راجعوا كده يعني ايه عرب ، و راجعوا يعنى أيه فارس
، و
راجعوا يعنى ايه الروم علشان تفهموا هذا الاعجاز العسكرى الحقيقي .

أيه هو كان موقف العرب من كسرى فارس قبل الاسلام العرب ؟؟؟؟
كانت زي أصغر دوله ناميه فى الارض دلوقتى بالنسبه
لأعظم قوه فى الارض .
فى زمانهم دوله فارس ودوله الروم اللي كان من
العرب يخش على كسرى فارس فى الايوان - ايوان كسرى فارس
ويقف على بعد 15 متر

منه كان يعتبر ذلك فخرا أبد
الدهر ، خلاص فخر يفضل ماشى وسط العرب رافع راسه انه دخل ايوان كسرى ووقف على بعد 15متر منه .
المغيره بن شعبه رضى الله عنه وارضاه من صحابه رسول الله صلى الله عليه وسلم كان
فى جاهليته يفخر انه دخل ايوان كسرى -
سبحان الله - ، زى دلوقتى لما تجيب شاب من
دوله ناميه عشان يقابل رئيس دوله عظمى
.

الفرس كانوا بيتصدقوا على
العرب بالقمح من شده المجاعات اللي كانت
بتقوم فى أرض العرب .

لما راحت الجيوش الاسلاميه لفتح فارس تعجب كسرى فارس - أيه ده العرب جايين يفتحوا
بلاد فارس شئ مهول - محبش يضيع وقت فى حربهم حب يصرفهم - يرجعهم - قالك أنا أعرض عليهم عرض مغري - مغري جداجدا "فى نظره" هيعمل ايه ؟؟؟ تخيلوا ايه هو العرض ده ..... هيدي ثوب لكل
جندي ودرهم ((جلابيه وجنيه لكل جندى )) ، تخيلوا هو ده العرض العرض اللي عرضه كسرى فارس على الجيوش الاسلاميه
.
القائد بأه - القائد الاسلامي - هيغريه جدااجداا ..... هيديله
ثوبين - يعنى جلابيتين -
ومائه درهم ، طبعا ده رقم مهول جدا جدا عنده - مائه درهم -

هذه كانت نظرتهم الى العرب ،
نظرة كسرى فارس ودولة فارس الى العرب كانت بهذا الوضع ، وصدقونى يا أخوانى هذه النظره كانت واقعيه تماما تماما بالنسبه لتاريخ العرب وتاريخ
فارس - وخليكوا فاكرين -

تعرفوا طبعا موقف مصعب بن عمير رضي الله عنه وأرضاه
لما جه يدفن فى غزوة أُحد مكانوش لاقيين حاجه
يغطوه بيها
- مفيش لبس - فعلا الصحابه مكانوش لابسين لبس ، بسطاء جدا جدا جدا .

عشان كده كسرى فارس قال
اديهم جلابيه - شايف انه بيسترهم يعنى بهذه بالجلابيه -

حذيفه بن اليمان
رضى الله عنه وارضاه لما ذهب
ليأتى بخبر القوم فى

الاحزاب
.... كان لابس أيه ؟؟؟
كان لابس لبس مراته لبس
زوجته ، مكانش عنده لبس فخد اللبس بتاع مراته علشان الجو كان بارد جدا .

- تخيلوا هوه ده كان وضع الصحابه هوه ده كان وضع الناس اللي فتحت بلاد فارس الرهيبه وبلاد الروم الهائله العرب
-

وكلكم عارفين برده العرب لما كشروا
عن أنيابهم فى الاحزاب جمعوا بالعافيه - بالعافيه 10آلاف رجل .
- يعنى ده كان رقم مهول عندهم -

ازاى ممكن العرب دولت نفسهم يفكروا فى غزو بلاد فارس مع علمهم ان جيش فارس ميقلش عن
2 مليون جندى ،متخيلين
2 مليون جندى ، فجوه هائله فى التسليح والاعداد .
لأ وأيه الحرب فى عقر دارالفارسيين ، فى
وسط بلاد الفرس - فى العراق وفى ايران وفى غيرها من
البلاد - على بعد مئات الاميال من المدد .
- معجزه عسكريه بكل المقاييس -

أين كان خالد بن الوليد وعمرو بن العاص
وأبو عبيده بن الجراح والقعقاع بن عمرو التميمي والبراء بن مالك و أبو موسى الاشعري والزبير بن العوام
ومحمد بن مسلمه و المقداد بن عمرو.؟؟؟؟؟

القاده العظام بتوع الاسلام اين كانوا قبل الاسلام
، أين كان هؤلاء
العباقره العسكريون قبل أسلامهم
؟!!!!
مش هو ده خالد بن الوليد بردو اللي كان محتاس
فعلا فى الـ 700 مسلم فى أحد وهو كان 3000 - لولا خطأ الرماه بترك الجبل - ماهو كان مغلوب وخلاص كانت الموقعه ماشيه لصالح المسلمين لولا
أن الرماه خالفوا أمر الرسول
صلى الله عليه وسلم ونزلوا من فوق الجبل ...... هوه
ده خالد أيه اللي حصل ؟؟؟
أيه اللي خلاه يدخل بلاد فارس بعد
كده بـــ 18 ألف جندى مسلم ويكسب 60 ألف و70
ألف و80 ألف و90 أللف و120 ألف وميتغلبش فى ولا
موقعه .... أزاي يا أخوان ؟!!!!!

كيف ينتصر المسلمون بـ 32 ألف مسلم فى القادسيه على ربع مليون فارسي ..... أزاى ؟؟!!
كيف
ينتصرالمسلمون بـ 39 ألف
على
200 ألف رومى فى اليرموك ؟؟!!
ازاى ممكن يفتحوا بلاد الاندلس بــ 12 ألف
وأدامهم 100 ألف
اسباني
صليبي فى بلا الاندلس فى عقر دار الاسبان ...أزاى؟؟؟

ألغاز
يا أخوانى والله ، لوغاريتمات مش ممكن
هتفهمها إلا بحقيقه واحده لاثانى لها (فلم تقتلوهم
ولكن الله قتلهم
) &
(وما رميت اذ رميت ولكن الله رمى ) .

لو نزلت الرساله فى بلد ليه تاريخ عسكرى طويل
وعظيم ومنظم لاعتقد الناس أن الفتوح كانت بسبب قوة
الجيوش وأعدادها وتسليحها
وخططها ، ما الأعجاز يا أخوانى - ما الاعجاز فى أن
تفتح بلاد فارس الدنيا
بأسرها ما الاعجاز أن تفعل ذلك جيوش الرومان الهائله
؟!!!!
لكن ان تنزل الرساله فى مكه فيحدث هذا الانقلاب
الهائل فى العالم ، تتغير خريطه الارض تغيرا جذريا في سنوات معدودات ، هذا هو الاعجاز بعينه
.

القاعده اللي ناخدها من الكلام ده أن الله عز وجل دائما ما ينصر القله المؤمنه على الكثره المشركه .

لا ندعوا المسلمين طبعا
لتقليل اعدادهم او إضعاف قوتهم - على العكس - ، هم مطالبون باعداد ما استطاعوا من قوه ولكن....
نقول انه من سنن الله عز وجل ان يجعل اهل
الباطل دائما كثره .....
( وَإِنْ تُطِعْ
أَكْثَرَمَنْ فِي الأَرْضِ يُضِلُّوكَ عَنْ سَبِيلِ الله
) .
ثم هو ينصرالمسلمين الثابتين على دينه
المتمسكين بشرعه ينصرهم على الكثره المشركه
فتظهرالمعجزه.
يُوقن الجميع ان النصر من
عند الله عز وجل وليس لسبب اخر.....
وهكذا يا أخوانى ، فى هذه
النقطه نخرج بقاعده هامه جدا وهى :
أن
الجيل الذى يحمل الامانه
لابد ان يدرك أن النصر بيد الله عز وجل وأن القله
المؤمنه تغلب الكثره المشركه
بأذن الله عزوجل - خليكوا فاكرين -
(كم من فئة قليله غلبت فئة كثيره بأذن الله والله مع الصابرين
) يبقى دي كانت الحكمه التانيه
من نزول الرساله فى مكان مالوش اى تاريخ
عسكرى معروف .

الحكمه التالته :
******************
من وراء نزول الرساله فى أرض
مكه وجزيرة العرب ...

نظام الحكم فى أرض مكه .
لم يكن الحكم فى مكه حكما
مركزيا ، مكنش في حاكم معين بل مجلس- مجلس يضم عشره يمثلون عشر قبائل
حكم أئتلافي، يعنى يشبه الحكم الديمقراطى .

كثره موازين القوى في مكه
أفادت الدعوه جدا جدا جدا ، كان فيه بعض القوانين الوضعيه فى أرض مكه أستفاد منها الرسول صلى الله عليه
وسلم - استفاد منها ولكن دون ان يتنازل يا أخوانى عن شئ من دينه ولا من عقيدته عشان يعرفنا ويعلمنا
ان المسلم الذكي الواعى الفاهم يستطيع ان يستفيد من
هذه القوانين طالما يحافظ على دينه.
وده بيرد على كتير من غير
الفاهمين لسنة الرسول صلى الله عليه وسلم وبيقولوا اننا لا نحتكم مطلقا لقانون وضعى لكن الكلام ده مش صحيح على
اطلاقه ، نحن لا نحتكم الى قانون وضعى اذا تعارض مع
شرع الله عز وجل ، لكن اذا
كان مفيش تعارض ليه منستفدش منه.

شوفوا الرسول صلى الله عليه وسلم عمل ايه .....
قانون الاجاره مثلا كان في مكه قانون
وضعي لو كان الحكم مركزى زى فارس او الروم ما تمت هذه الاجاره ،الرسول عليه الصلاه والسلام استفاد من هذا
القانون عمل ايه؟
دخل فى جوار المطعم بن عدي
المشرك - المطعم مشرك ومع ذلك الرسول عليه الصلاة والسلام دخل فى جواره لكي يحميه من اهل
مكه ، دخل أبو بكر الصديق رضي الله عنه في جوار ابن
الدغنة المشرك ، ودخل عثمان بن مظعون رضى الله عنه فى
جوار الوليد بن المغيره
المشرك وهكذا.
أستفادوا من قانون الاجاره
الوضعى فى مكه لكن دون تفريط فى العقيده

او فى الدين
.

قانون القبليه بردو كان قانون وضعى موجود فى مكه استفاد
منه رسول صلى الله عليه وسلم، استفاد من حماية
بنى هاشم له وبالذات فى أثناء
حياة ابي طالب مع كونهم جميعا على الاشراك اومعظمهم
على الاشراك ابوطالب بالذات
كان مشرك وفضل لحد اخر لحظه من حياته ظل مشركا ًو مع ذلك الرسول صلى الله عليه
وسلم قبل حمايته .

قانون الاحلاف قَبل الرسول صلى الله عليه وسلم بفكرة الاحلاف مع المشركين اذا كان الحلف يهدف الى أمر نبيل ولا يتعارض مع
الدين الاسلامي.
شوفوا كده الكلام اللي
بيقوله الرسول عليه الصلاة والسلام ... يقول شهدت وانا غلام
- وطبعا الكلام ده كان قبل البعثه - شهدت وانا غلام حلفا مع عمومتى المطيبين
- تحالف كان بين بني هاشم وبنى تيم
و زهره على
نصرة المظلوم - يقول فما أحب أن لى حمر النعم وأنى نكثته
- وبعدين يقول ايه - ولو دعيت به اليوم في الاسلام لأجبت.

واكتر من كده بعد صلح الحديبيه حالف رسول
صلى الله عليه وسلم قبيلة خزاعه وكانت مشركه
تخيلوا يعنى كان المسلمون دوله
وكان ليهم كيان معروف وكيان قوي وعمل
معاهده مع قريش وفى هذه المعاهده حالف
خزاعه - حط ايديه فى ايدين خزاعه - متنازلش عن اي قانون اسلامي او اي عرف اسلامي لكن تعاون مع خزاعه ضد قريش .

اذن الرسول صلى الله عليه وسلم استفاد من
تعدد موازين القوى ومن قوانين المجتمع الوضعيه ما دامت لا تتعارض مع الدين والشرع والعقيده .
الحكمه ديت مكانتش هتظهر لوكانت الرساله نزلت في بلد
فيه حكم ديكتاتورى زى فارس اوالروم او غيرها من
الممالك اللي كانت موجوده فى
هذا الوضع يبقى دي كانت الحكمه التالته من نزول الرساله فى هذا المكان.

الحلقه الخامسه لماذا ينزل الوحي في مكه (الجزء الثاني)

الحلقه الخامسه لماذا ينزل الوحي في مكه (الجزء الثاني)

رد: الحلقه الخامسه لماذا ينزل الوحي في مكه (الجزء الثاني)

رد: الحلقه الخامسه لماذا ينزل الوحي في مكه (الجزء الثاني)

رد: الحلقه الخامسه لماذا ينزل الوحي في مكه (الجزء الثاني)

رد: الحلقه الخامسه لماذا ينزل الوحي في مكه (الجزء الثاني)

رد: الحلقه الخامسه لماذا ينزل الوحي في مكه (الجزء الثاني)