الحلقه السادسه لماذا ينزل الوحي في مكه (الجزء الثالث)

الحكمه الرابعه
:
***************
من نزول الرساله فى هذا
المكان هو انه يتحدث اللغه العربيه .

اللغه العربيه يا أخوانى ويا
اخواتى هى اشرف اللغات - اشرف اللغات فعلا - وبها نزل القرءان الكريم وهى لغة اهل الجنه والقرءان كلام
الله عز وجل ولم ينزله الله عز وجل بهذه اللغه لأجل اهل الجزيره فقط
.....لأ - ده نزله للعالم كله
(وما أرسلناك الا رحمة للعالمين ) - فى زمان رسول الله صلى الله عليه
وسلم وبعد زمانه والى يوم
القيامه وسبحان الله .

كانت فى هناك لغات كتير جدا
جدا موجوده فى الارض فى ذلك الوقت وأستُحدث غيرها من اللغات على مر التاريخ واكيد هاتكون فيه لغات
تانيه لحد يوم القيامه ومع ذلك أراد الله عز وجل
لهذا القرءان وهذا المنهج ان
يكون باللغه العربيه ،حكمه يعلمها سبحانه
وتعالى .
وهو سبحانه وتعالى يعلم أن
اللغه العربيه قد تكون اقل انتشارا من غيرها من اللغات فى زمان من الازمان ، يعنى زي زمنا دلوقت اللغه العربيه اقل انتشارا من اللغه
الانجليزيه مثلا او من اللغه الصينيه او اللغه
الفرنسيه
.
ناس كتير جداا بتتكلم
فرنساوي او بتتكلم أوردي او بتتكلم اسبانى ،
لكن ومع علم الله عز وجل
بذلك الامر الا انه انزل القرءان باللغه العربيه ...... ليه ؟؟؟

الحكمه الكامله ميعرفهاش غير
ربنا سبحانه وتعالى - لكن انا فى اعتقادي لان اللغه العربيه ثريه جداا جدا جداا
.
هى اثرى لغه عُرفت فى الارض - اثرى لغه - الشئ الواحد ليه اكثر من اسم في هذه اللغه العربيه المعنى الواحد ممكن تعبرعنه بعشرات
الكلمات .
يعنى مثلا العسل ليه 80 اسم
تخيلوا 80 كلمه توصف العسل .
التعلب ليه 200 اسم .
الاسد ليه 500 .
الجمل ليه 1000 .
السيف ليه 1000
.
الداهيه - لما توصف واحد انه داهيه- في 4000 كلمه يوصفوا معنى الداهيه .
-شئ مهول شئ لا يتخيله عقل هذه اللغه العربيه يا أخواني
-
برده الكلمه الواحده فى اللغه
العربيه سعات بتكون بنفس الحروف ونفس حركات التشكيل
ويكون ليها اكتر من معنى
.

- كل هذا اعطى اللغه امكانيات هائله -

تنزل الايه بكلمات قليله محدوده
ومع ذلك هى تحمل من المعانى ما لا يُتخيل حصره كلما
نظر المفسر فى الايه استخرج
منها معانى جديده مختلفه عن اللي استخرجها غيره ،
قد ينظرالمفسر الواحد فى
الايه اكتر من مره كل مره يطلع بمعنى جديد
سبحان
الله - تمر الازمان والازمان ويأتى مفسرون يطلعوا معانى جديده تانيه
.
وصدق
على بن ابي طالب رضى الله عنه وارضاه عندما وصف القرءان بأنه
لا يَخْلق - لا يخلق من كثرة الرد -لا يخلق اى لا يبلى ، من كثره الرد اي
من كثره الترديد والقراءة ، كل ما تقرا تطلع بحاجه جديده سبحان الله .

وبرده كلمات الرسول صلى الله عليه وسلم كانت باللغه العربيه وأتاه الله سبحانه
وتعالى جوامع الكلم .
كان يقول الحديث برده كلماته
قليله جداا فاذا به يحوي احكاما لاتنتهى.
-لغه عجيبه جدا -
طيب اذا كان ربنا سبحانه
وتعالى اختار ان القرءان ينزل باللغه العربيه يبقى كان لازم ينزل على ناس بتتكلم العربيه
بل و وصلوا فيها لاعظم درجات الاعجاز البشري
.
اتقان عجيب جدا جدا للغه ،
بيتصرفوا في اللغه زي ماهمه عايزين تماما ، اللغه فى ألسنتهم سهله لينه طيعه .
الشعر عندهم امره عجيب جدا ، المعلقات الهائله كانت تُعلق على الكعبه - معلقات من
الشعر - ابيات هائله من الشعر.

الشعر يُقال في كل الظروف
فرحان يقول شعر حزين يقول شعر فى السلم شعر فى الحرب شعر حتى قبل ما يموت السيف على رقبته وبيقول
شعر سبحان الله - ياعم انت
فى أيه ولا فى أيه- برده بيقول الشعر .... ليه؟؟؟؟

الشعر فى لسانه يا أخوانى زي الكلام عندنا مفيش
اى مشكله عنده .
المعارضه بالشعر.... تأليف فورى
، واحد يقول بيت شعر التانى يرد عليه ببيت شعر على نفس الوزن
وفى نفس اللحظه يا أخوانى ميفكرش كتير
.
ده كان وضعهم بالنسبه للغه
العربيه ، كفائتهم بالنسبه للغه العربيه .

وبعدين احنا شفنا نجاح
التجربه الاسلاميه فى الجزيره العربيه لابد يا أخوانى وأخواتى ان من عوامل نجاحها اتقان اهل
هذه البقاع للغه العربيه
.
ليه اتقان اللغه العربيه كان سبب فى نجاح الدعوه .... ليه ؟؟؟؟
لأن
أولا :
كان أدعى لإيمان الناس بكلام
الله عز وجل وبأدراك الاعجاز الإلهى فى كل ايه وفى كل سوره يقول سبحانه وتعالى:
(ولو نزلناه على بعض
الاعجمين فقرأه عليهم
ماكانوا به مؤمنين ) .
العرب المتقنون للغه أدركوا
منذ اليوم الاول من أول لحظه سمعوا فيها القرءان عرفوا ان الكلام ده كلام
معجز لم ينتقدوا آيه واحده من ايات القرءان الكريم ، لم يعارضوا القرءان بمثله ابدا
.
عمرهم ما اجتمعوا عشان
يعارضوا القرءان الكريم ، لم يجتمع شعراءهم وأدباءهم وحكماءهم ليؤلفوا ايه واحده مع تحدى القرءان لهم سبحان الله
.
القرءان بيتحداهم ان هما
يجيبوا سوره او عشر سور او القرءان كله وهمه
مش عارفين ومبيحاولوش .
عارفين زي ايه ؟

زي مايكون بتقول لواحد قوى
وجسمه ما شاء الله وبنيانه عظيم جدا بتقوله روح شيل العماره ديه اه هو قوى بس عمره اصلا ما هيحاول لان ده شئ
بالنسباله معجز ، ايوه انا قوى واقدر اشيل
كذا او كذا او كذا بس مستحيل افكر
اشيل عماره .

همه كانوا كده بالظبط عارفين ان الكيان ده اللي نزل ده هذا
القرءان الكريم هذه الكلمات وهذه الايات
وهذه السور من المستحيل ان تُقلد ،
من المستحيل أن تُعارض.

فمعرفة العربيه ياأخوانى و
ياأخواتى كانت ادعى لفهم الاعجاز العجيب فى كتاب الله عز وجل

الكلام ده مش مقصور بس على الاعجاز
اللغوى لأ على اى نوع من انواع الاعجاز
في القرءان الكريم كله بيحتاج الى
فهم دقيق للغه .
حتى الاعجاز العلمي اللي احنا بنتكلم فيه دلوقتى، كيف لنا ان نستخرج
الاعجاز العلمي من القرءان الكريم دون فقه للغه معرفه معنى الكلمات ومعنى الايات والمقصود من وراء كل كلمه ؟؟؟؟

وبعدين اللي يقرا ترجمه القرءان
بأى لغه - بأى لغه - يدرك تماما ان كثيرا من
الاعجاز يختفي، يدرك بوضوح قصور اى
لغه على الوصول الى ما وصلت اليه اللغه
العربيه ، يعرف ان اللى لازم اللي يشيل
هذه الرساله وهذه وهذه الامانه وهذه الامه لابد انه يكون متقن للغه العربيه ، يُعظم اللغه العربيه ، يربي عليها اولاده ومجتمعه ، يحترم اللغه العربيه ،
يقدر اللغه العربيه ، يدرس اللغه العربيه دراسه متعمقه يا أخوانى ....
كل ده ضرورى جدا للى هايشيل هذا الكتاب .

قولى كده ممكن ازاى تترجم
مثلا قول الله عز وجل :
(وَقِيلَ يَا أَرْضُ
ابْلَعِي مَاءَكِ وَيَا سَمَاءُ أَقْلِعِي وَغِيضَ الْمَاءُ وَقُضِيَ الْأَمْرُ وَاسْتَوَتْ عَلَى الْجُودِيِّ
وَقِيلَ بُعْدًا لِلْقَوْمِ
الظَّالِمِينَ )قولي حترجمها ازاى ؟؟؟؟
90% او اكتر من جمال الايه هايروح عند الترجمه ، و راجعوا الترجمات الموجوده للقرءان الكريم بأى
لغه .

برده الحديث الشريف اللي مش
عارف لغه عربيه صعب جدااجدا انه يستمتع بحديث رسول الله صلى الله عليه وسلم ويفهم الحديث وينقل الحديث لغيره
.

الرسول يا اخوانى كان يكتفي
كثيرا بقراءة القرءان على الناس فقط ، يقرأ عليه الايه فيؤمن .
هو ايه اللي خلاه يؤمن ؟؟؟؟ .... لانه فاهم ان هذا الكلام صعب ان هو يكون من عند البشر ، فاهم ان الكلام ده معجز
- يكتفى فقط بقراءة الايه-
حصل الكلام ده مع ناس كتير
جدا من اللي اسلموا مع الطفيل بن عمرو

الدوسي
، مع اسيد بن حضير، مع سعد بن معاذ مع غيرهم.

دلوقتى
للاسف الشديد اصبحت طوائف كثيره جدا
جدا من المسلمين كالأعجمين سبحان الله
الذين قال الله في حقهم كما
ذكرنا من قبل قليل ( ولو نزلناه على بعض
الاعجميين فقرأه عليهم ماكانوا به مؤمنين) )
نسمع ايات القرءان او احاديث الرسول صلى الله عليه
وسلم منبقاش فاهمين حاجه محتاجين دايما معانا
قاموس
يعرفنا معنى كل كلمه وسبب
نزول كل ايه وازاى الكلام ده اتقال واحنا مش
فاهمين، ازاى ممكن ناس تتحرك
بالقرءان وانت مش فاهم معناه ازاى ممكن
تقرا القرءان او الحديث
الشريف على واحد مش عارف معانى اللغه العربيه او
كالأعجمين وان كانوا مسلما
عربيا.

شوف كده رد فعل بعض الصحابه
لما سمعوا الايات ، شوف ما رواه البخاري عن
جبير بن مطعم
رضى الله عنه قال جبير بن
مطعم كان مشرك لما سمع الكلام قال :
سمعت النبي صلى الله عليه
وسلم يقرأ في المغرب بالطور - كان لسهمشرك - يقول جبير... فلما بلغ الايه
(ام خلقوا من غير شئ ام هم
الخالقون ام خلقوا السموات
والارض بل لا يوقنون ام عندهم خزائن ربك ام هما لمسيطرون)
قال كاد قلبي ان يطير - كاد
قلبي ان يطير- فدخل في الاسلام.

سبحان الله مجرد ما سمع
الايات دخل فى الاسلام

بل كان يحدث هذا الاثر عندما
يتلى القرءان على الكفار يعلمون انه الحق لا يتبعونه لاسباب كثيره جدا سنأتى ان شاء الله الى تفصيلاتها فى الدروس القادمه ، لكن كانوا بيعرفوا ان
الكلام ده كلام حق وكلام اعجاز .
عتبه بن ربيعه ، الوليد بن المغيره ، زعماء بني
شيبان ، زعماء بني عامر ....كلهم كانوا يتأثرون بكلام الله عزوجل كل ده لانهم
كانوا عارفين عربي كويس بيقدروا يفهموا معنى
كل كلمه من كلمات الله عزوجل .

اذن
من اهم عوامل نجاح الرساله
الاسلاميه فى هذا المكان اتقان الدعاه للغه واتقان المدعوين ايضا للغه.

ولذلك كان من هم المحاربين
للاسلام الذين فقهوا هذه النقطه جيدا كان من همهم ان يضربوا اللغه العربيه في اعماقها هم يدركون انه لو وقعت اللغه
العربيه سيقع ما بعدها من الشرع .
اتاتورك اول ماجه ألغى اللغه العربيه ، لما
بدأ فى علمنة تركيا الغى اللغه العربيه وحولها
للغه
تانيه .
اللورد كرومر اراد ان يضرب
الازهر والمدارس الدينيه ....عمل ايه؟؟؟ ما ألغاش هذه المدارس او اغلق هذه المدارس حتى لا يثيرالناس لكن عمل حاجه تانيه سهله اوى أنشأ
مدارس علمانيه جنب الازهر وفى كل حته فى مصر وخلى
اللغه
الاساسيه في هذه المدارس
بالانجليزي وبعدين فتح ليهم فرص عمل فى البلد
بأجوراعلى من فرص العمل
المتاحه لابناء الازهر ولابناء المدارس الدينيه
ايه
اللي حصل ؟ الناس توجهت من
مدارس الازهر وغيره الى هذه المدارس العلمانيه
اللي
باللغه الانجليزيه بحثا عن
فرص عمل افضل زهد الناس في الازهر وزهدوا
فى
اللغه وبعدين زهدوا فى أيه
... زهدوا فى الشرع بعد كده.

وبعدين في مأساة تانيه هتحصل لو اللغه
العربيه ضعفت عند المسلمين ...هيحصل ايه ؟؟؟
هايفقد
المسلمون التواصل بينهم عشان
مفيش لغه مشتركه الامه الاسلاميه دلوقتى
بتتكلم عشرات اللغات سبحان الله كل
قطر بيتكلم لغه أليس عيبا يا اخوانى أليس عيبا ان يضطر المصرى ان يتكلم بالانجليزيه مع الباكستانى مثلا عشان يفهموا بعض مش عيب برده ان نكون احنا
الاتنين مسلمين ونحتاج لغه انجليزيه او فرنسيه او المانيه او غيره .

هو ده الواقع اللى عايشينه
وفوق كده داخل البلاد اللي بتتكلم عربي عشرات اللغات العاميه وبقول اللغات مبقولش اللهجات اللغات كل كلمه اصبح ليها بدائل
لاتَمُتْ للغه العربيه بصله اصبح من الصعب جدا على مسلمي قطرعربي ان يفهموا مسلموا قطر اخر الا بقاموس او
بترجمه شئ طبعا لايقبله عقل.

الطامة الكبرى بأه المشكله الاكبر من
كل اللي فات ان يظهر جيل يفتخر بأنه لا يحسن العربيه يفتخر الاب وتفتخر الام ان الابن بيتكلم الانجليزيه

ماشاء الله بطلاقه ولا يفقه
شيئا فى العربيه .
هى دي
فعلا الطامه الكبرى طبعا
يا اخوانى

انا مش ضد تعلم اللغات
الاجنبيه ابداً ، بل احبذ ذلك وبشده ولكن ليس على حساب اللغه العربيه بالعكس دا انا عايزاعلم اهل الارض كلهم اللغه العربيه ، ياريت اوصل
باللغه العربيه على كل بقعه على ضهر الارض عشان يفهموا القرءان ، ويفهموا حديث رسول الله صلى الله عليه
وسلم .
واذا كنت انا مش قادرعلى كده دلوقتي فيبقى
على الاقل أحافظ على اللغه العربيه فى أوساط المسلمين.

يبقى لازم المسلمين يعرفوا
ان من اهم وسائل اعادة بناء الامه الاسلاميه الاهتمام باللغه العربيه .
نهتم اننا نعلم اللغه العربيه لغيرنا نهتم بان نجمل اللغه
العربيه في عيون ابناءنا .

اذن
نخرج بقاعده هامه من هذه النقطه هى ان الجيل الذي يرجى
على يده اصلاح شأن هذه الامه جيل يتقن اللغه العربيه ويُعظمها.
وليس هذا يا اخوانى من منطلق قومي ابدا ، لا عروبه
ولا غيره لأء - لا فضل لعربي على اعجمي الا بالتقوى- ولكن من منطلق ان من يتكلم العربيه
هو عربي ولو كان من عرق مختلف
انما العربيه اللسان ، الباكستاني اللي بيتكلم
عربيه عربي الاندونيسي اللي
بيتكلم عربيه عربي الامريكي المسلم اللي بيتكلم عربيه عربي وهكذا
انما العربيه اللسان

الحلقه السادسه لماذا ينزل الوحي في مكه (الجزء الثالث)

الحلقه السادسه لماذا ينزل الوحي في مكه (الجزء الثالث)

رد: الحلقه السادسه لماذا ينزل الوحي في مكه (الجزء الثالث)

رد: الحلقه السادسه لماذا ينزل الوحي في مكه (الجزء الثالث)

رد: الحلقه السادسه لماذا ينزل الوحي في مكه (الجزء الثالث)