الحلقه الخامسه عشر (اسلام عمر وحمزة وغيرهم)

[b][size=25][b][size=25][b][size=25][b][size=25][b][size=25][b][size=25]اعوذ بالله السميع العليم من الشيطان الرجيم
ان الحمد لله نحمده ونستعينه ونستغفره ونستهديه
ونعوذ بالله من شرور انفسنا ومن سيئات اعمالنا
انه من يهده الله فلا مضل له ومن يضلل فلا هاديا له
واشهد ان لا اله الا الله وحده لاشريك له واشهد ان محمد عبده ورسوله
اما بعد[/size][/b][/size][/b]
واسال الله عز وجل ان يجعل هذا القاء في ميزان حسناتنا اجمعين
مع الدرس الخامس من دروس[ندعوك للتسجيل في المنتدى أو التعريف بنفسك لمعاينة هذا الرابط]
في الدرس السابق اتكلمنا عن قصة هجرة الحبشة الثانية
اتكلمنا عن استقرار المسلمين في الحبشة
[/size][/b]واتكلمنا على الانتصار الكبير الذي حققه المسلمين على عمرو ابن العاص وعلى عبد الله ابن ابي ربيعة امام النجاشي رحمه الله
وبعدين اتكلمنا على ايمان حمزة رضي الله عنه وكيف كان ايمانه اضافة عظيمة جدا جدا جدا للصف المسلم وسبحان الله يا اخواني بعد 3 ايام بس 3 ايام من ايمان [ندعوك للتسجيل في المنتدى أو التعريف بنفسك لمعاينة هذا الرابط] آمن رجل آخر آمن عظيم آخر لكن سبحان الله هذا المؤمن الجديد سيغير الله عز وجل
بايمانه من وجه الارض تماما سيغير بايمانه من حركة التاريخ سيزلزل عروش
ملوك الارض في زمانه كسرى وقيصر وغيرهم هذا المؤمن الجديد يا اخواني ويا
اخواتي هو [ندعوك للتسجيل في المنتدى أو التعريف بنفسك لمعاينة هذا الرابط] رضي الله عنه وارضاه منذ اول لحظات ايمانه رضي الله عنه وهو فاروق وحتى اخر لحظات حياته رضي الله عنه وارضاه ظل فاروقا رضي الله عنه وارضاه قصة اسلامه الحقيقة قصة عجيبة جدا اعجب من قصة اسلام حمزة رضي الله عنه .

حمزة رضي الله عنه في خلال الست سنين اللي سبقت اسلامه كان سلبي بالنسبة للرسول صلى الله عليه وسلم وبالنسبة للمؤمنين يعني لا معاهم ولا عليهم انما عمر ابن الخطاب رضي الله عنه تاريخه مع المسلمين تاريخ صعب جدا كله قسوة وعنف عنف شديد تعالوا نعرف مين هو عمر قبل اسلامه عمر يا اخواني كان زي حمزة رضي الله عنه كان رجلا مغمورا في التاريخ يعني راجل زي كلللل الرجال الي موجوده في قريش قبل ان يسلموا اعطت له مكانه قريش كانت له سفارة قريش نعم كان مسموع الكلمة في
قبيلته بني
عدي وفي قريته مكة لكن في النهاية هي ايه قبيلة بني عدي ولا هي ايه مكة
اصلا بالنسبة للعالم قبل الاسلام ايه مكة بالنسبة لفارس والروم والحبشة
ومصر والصين والهند مجموعة من القبائل البدوية البسيطة عايشين فى وسط
الصحرة على الرعي والتجارة وبيع الاصنام هما دول اهل مكة قبل الاسلام عمر
كان راجل زي آلاف او ملاين او بلاين الرجال الي مروا في التاريخ لحد سمع عنهم قبل كده ولا حد بيسمع عنهم بعد كده وعمر سبحان الله
فوق ده كله كان فيه قسوة كبيرة جدا جدا على المسلمين قبل اسلامه غلظة
شديدة جدا كانت في طبعه كان شديدا على الاسلام والمسلمين كان يعذب جارية له
اسلمت من اول النهار لاخر النهار يقعد يضرب فيها سبحان الله ثم يتركها في آخر اليوم ويقول والله ما تركتك الا ملاله سبحان الله زهقت من كتر الضرب والتعذيب لكن سبحان الله زوجة عامر ابن ربيعة رضي الله عنه عامر ابن ربيعة من صحابة رسول الله صلى الله عليه وسلم القدماء
شعرت هذه الزوجة برقة في كلام عمر امته شفها بتجهز نفسها لهجرة الحبشة
الاولى حست بقلبها ان عمر ممكن يسلم لانه قلها كلمة رقيقة قلها صحبكم الله
بس فهي شافت ان هو مش متعودة منه على هذه الرقة فقالت لزوجها ذالك الكلام
فقال زوجها قال كلمة في منتها الغرابة قال اطمعتي في اسلامه نفسك يسلم قالت
نعم قال فلا يسلم الذي رايته ( الي هوا عمر ابن الخطاب) حتى يسلم حمار الخطاب يا سبحان الله يأس كامل اسلام عمر في راي عامر ان فرصة اسلام حمار الخطاب اكبر من فرصة اسلام عمر تخيلوا لكن سبحان الله
كانت نظرة المراة ادق من نظرة الرجل شافت بقلبها الي معرفش عامر زوجها انه
يشوفه بعقله عمر يا اخواني كان عايش في صراع نفسي رهيب هو بين ان يكون
زعيما قائدا في مكة وبين ان يكون تابعا لامر هذا الدين الجديد قلبه بيقوله"
الناس دي ممكن تكون على الحق والناس دي ثباتها عجيب جدا والناس دي بتقرا
كلام غريب عمرنا ما سمعنا قبل كده زيه وبعدين رئيسهم الرسول صلى الله عليه
وسلم عمره ما كانت عليه اي شبهات الصادق الامين صلى الله عليه وسلم"
قلبه بيقوله الحجات دي لكن عقله بيقوله " انت سفير قريش وقائد من قوادها
والاسلام هيضيع عليك كل الحجات دي الاسلام قسم مكة لنصين نص يؤمن به ونص
التاني بيحاربه وبقالنا ست سنين في مشاكل وخلافات ومناظرات ومحاورات محنا
كنا عايشين طول عمرنا عايشين مئات السنين بنعبد هبل ومحدش بيتكلم محدش قال
عليه حاجة غلط ومحدش اعترض اشمعنا محمد صلى الله عليه وسلم اللى اتجرأ وقال
الكلام ده " صراع شديد جدا في نفس عمر قلبه في طريق وعقله في طريق تاني
خالص واصدقاء السوء كتيير جدا في مكة كلهم بيزينولوا المنكر طيب يعمل ايه
عقله يا اخواني انتصر في النهاية شعر بكراهية شديدة للرسول صلى الله عليه وسلم
الذي وضعه في مثل هذا الصراع النفسي الرهيب الي هوا مش متعود عليه عمر من
طبعه الحسم لا يحب التردد عايز كل شئ يخلصه بوضوح حب يخلص نفسه ويخلص مكة
من الي عملها كل المشاكل دي اراد ان يحسم القضية كطبعه دائما قرر ان يقتل الرسول صلى الله عليه وسلم
قرر ان يفعل الذي فكر فيه كثيير من مشركي قريش ولن يستطيعوا ان يفعلوه جه
القرار في ذهنه في لحظه ومحاولة التنفيذ كانت في اللحظة التانية مباشرا حسم
نخلي بالنا برضه من حاجة تانية مهمة جدا ان ابوجهل من يومين اتفضح فضيحة
غير مسبوقة في مكة واللي فضحه حمزة عم الرسول صلى الله عليه وسلم وحمزة بيقول انه اصبح على دين محمد صلى الله عليه وسلم طيب ايه علاقة عمر بابو جهل ؟
ابو جهل هو خال عمر ابن الخطاب المشاكل دي كلها بسبب محمد صلى الله عليه وسلم وعمر اصيب في كرمته كما اصيب ابوجهل ورد الاعتبار يا اخواني في هذه البيئة يكون عادتا بالسيف يبقى لازم اخلص من محمد صلى الله عليه وسلم خرج عمر من بيته خرج متوجها سيفه جاهز رايح في ساعتها يقتل الرسول صلى الله عليه وسلم قعد يضور في كل حتة هو ميعرفش الرسول قاعد فين طبعا دار الارقم ابن ابي الارقم مكنش حد يعرفها فماشي يدور في الشارع فامين قابله ؟
قابله نعين ابن عبد الله
رضى الله عنه نعين من المسلمين لكن مكنش حد يعرف اسلامه وهو من نفس قبيلة
عمر من بني عدي طبعا كان واضح من شكل عمر انه في قمة الغضب قال له نعين اين
تريد فعمر في منتهى الصراحة من اول ما عرفناه وهوا صريح رضي الله عنه
لايكذب لا ينافق وبعدين هوا مايعرفش ان نعين اسلم قال في منتهى الصرامة
والجدية اريد محمد هذا الصابئ الذي فرق امر قريش وسفه احلامها وعاب دينها
وسفه الهتها اريده ساقتله هكذا بكل وضوح فطبعا نعين رضي الله عنه اترعب هذه
الكلمات كلمات في منتهى الخطورة مفيش عنده وقت لتنبيه الرسول صلى الله عليه وسلم طب
يعمل ايه مفكرش كتير نعين لقى نفسه مضطر انه ايكشف له سر خطير سر اسلام
اخت عمرابن الخطاب السيده فاطمة بنت خطاب واسلام زوجها الي هوا سعيد ابن
زيد رضي الله عنه وارضاه آه ممكن عمر يقتلهم بس في المقابل هيلحق يبلغ الرسول صلى الله عليه وسلم علشان يعرف ياخد حذره فنعين فكر ان هوا ده الخبر الوحيد الي ممكن يصرف عمر ابن الخطاب رضي الله عنه لو قاله اسلام اي حد مش هيهتم لكن اسلام اخته وجوزها شئ خطير جدا جدا طعن جديد في كرامة عمر رضي الله عنه قال نعين والله خلي بالك من كلام نعين في منتهى الدقة يقول والله
لقد غرتك نفسك من نفسك يا عمر الاول بيهدده يقوله ايه اترى بني عبد مناف
تاركيك تمشي على الارض وقد قتلت محمدا الاول بيخوفه من بني عبد مناف جايز
ترجع وبعدين قام رامي القنبلة بتاعته قاله ايه افلا ترجع الى اهل بيتك
فتقيم امرهم يعني بدل مانت رايح لمحمد شوف اهل بيتك شوف اللي بيحصل في بيتك
من وراك كان طبعا مرعب جدا عمر صرخ في منتهى الفزع اي اهل بيتي فقال ابن
عمك سعيد ابن زيد ابن عمرو واختك فاطمة بنت الخطاب فقد والله اسلما وتابعا محمد على دينه فعليك بهما طبعا كلام يفور الدم عمر شعر ان الدماء تفور في قلبه نسي كل حاجة عن الرسول صلى الله عليه وسلم طلع يجري على بيت اخته واكيد نعين هوا كمان طلع يجري على دار الارقم ابن ابي الارقم رضي الله عنه في الوقت ده كان خباب ابن الاراك رضي الله عنه
وارضاه يجلس مع سعيد ابن زيد وزوجته في بيتهما يعلمهما القران الرسول يا
اخواني كان بيقسم الصحابة لمجموعات كل مجموعة بتدرس القران مع بعضيها وفي
الاخر كلهم بيقعدوا في لقاء جامع مع رسول الله صلى الله عليه وسلم
في دارالارقم ابن ابي الارقم خباب ابن الاراك كان هوا المعلم لسعيد وزوجته
وصل عمر لبيت اخته وحط ودنه على الباب وسمع صوتهم بيقروا القران يالله
عمر ما صدقش نفسه قعد يضرب الباب بكل قوته لدرجة ان لو يقدر يخلع الباب
كان خلعه وهو ينادي بعنف افتحوا الباب افتحوا الباب عمر طبعا يعني مرعب في
هدؤه فمابالك في حالة الغضب شئ مهول مين اللي على الباب عمر يالله
كارثة خباب طبعا مضيعش وقت في لحظة كان اختفى تلاشى مفيش هزار مع عمر
استخبى خباب في غرفة داخلية وقالك ايه لان نجى سعيد ابن زيد وفاطمة بنت
الخطاب فلن انجوا طبعا خباب يا اخواني من المواني ديته بسيطة جدا جدا عمر
مش هيفكر كتير قبل ما يقتله خلاص هيخلص منه فخباب استخبى في اوضة داخلية
وبقى الدور على مين على سعيد وفاطمة هيروحوا فين لازم يفتحوا الباب قام
سعيد رضي الله عنه فتح الباب ماهو لازم يفتح
عمر دخل جوه البيت يحترق من الغضب من غير سلام ولا كلام ايه الي سمعته ده
طبعا سعيد وفاطمة حاولوا يمسكوا اعصابهم على قد ما يقدروا قالوا ما سمعت
شيئا عمر طبعا لا بيحب اللف ولا الدوران ولا الجدل دخل مباشرا في الموضوع
قال عمر بلى والله لقد اخبرت انكم تابعتما محمدا على دينه انا لسه هقعد اخد ودي بلى والله لقد اخبرت انكما تابعتما محمد على دينه وبسرعة رمى نفسه على سعيد وبدا يضرب فيه سبحان الله قامت فاطمة يا اخواني فاطمة بنت الخطاب ووقفت بينه وبين سعيد بدافع عن جوزها سبحان الله التفت عمر الى اخته ساب سعيد ابن زيد ومحسش بنفسه الا وهوا بيضربها ضربه شديدة جدا جدا في وجهها تفجرت الدماء من وجه فاطمة رضي الله عنها سعيد جوزها لما شاف هذا الامر ملقاش بد من الهجوم على عمر قاله في تحدي شديد نعم قد اسلمنا وآمنا بالله ورسوله فاصنع ما بدى لك ورينا هتعمل ايه سبحان الله
عمر استغرب جدا من شجاعة سعيد هوا مش متعود ان حد في مكة كلها يكلمه
بالطريقة دية لكن يا اخواني ما هو اعجب ان فاطمة المراة الضعيفة البسيطة
وقفت وامسكت بوجه عمر وقالت له في قوة وقد كان ذلك على رغم انفك يا عمر وقد
كان ذلك على رغم انفك يا عمر يا الله زهل
عمر يا اخواني ايه اللي بيحصل ده هي دي مين ديه مش هيا دي برضه اخته ما
الذي جرئها الى هذه الدرجة عمر حس على باسه وشدته وسطوته انه صغير صغير لا
يستطيع ان يقف امام هذه المراة حس في نفس الوقت يا اخواني ان هذه المراة
اصبحت كالجبل امامه اظاهر يا اخواني الدنيا اتغيرت وهو مش دارى ياترى عمر
عمل ايه في الموقف ده اول مرة يتعرض للموقف ده في حياته الحقيقة عمر قال
كلمة تدل على رقة قلبه التي ذكرناها منذ قليل رقة قلبه التي تختفي وراء هذه
الغلظة الظاهرة قال عمر فستحييت حين رايت الدماء الراجل يا اخواني الي
مفهوش خير لا يستحي من رؤية دماء تسيل على وجه امراة خرجت عن دينه ووقفت
امامه وتحدته وبالذات في هذه القبلية الجاهلية المراة مكنش ليها تقريبا اي
حق يبقى الاستحياء ده كان نتيجة نوع من الرقة في قلب قمر نوع من الخير جواه
طيب ايه بعد الاستحياء يقول عمر فجلست ثم قلت اروني هذا الكتاب الكتاب
اللي مسكينه في ايديهم هتوه عشان اقرا عمر شايف انه اتنازل تنازل كبير قوي
قوي قعد وسكت عن التحدي بتاع سعيد وسكت عن التحدي بتاع فاطمة وفي هدوء يطلب
ان يقرا الكتاب الي هوا شافه معاهم يعني في نظره طلب عادي جدا لكن سبحان الله
فاطمة وجهت له ضربة ثانيا موجعه جدا جدا جدا ضربه لكرامة عمر في الصميم
قالت فاطمة يا اخي انك نجس على شركك متخيلين انك نجس على شركك وانه لا
يمسها الا الطاهر لازم تكون طاهر عشان تعرف تلمس هذه الصحيفة سبحان الله يافتاح يا عليم يا رزاق يا كريم طبعا انا بقرا الحكاية ديه كنت متخيل ان في السطر التاني هلاقي خبر وفاة فاطمة بنت الخطاب رضي الله عنها
لكن الحقيقة الموقف كان غير كده تمام قام عمر في هدوء عجيب قام ليغتسل
تخيلوا في حاجة غريبة يا اخواني مش ده عمر ابن الخطاب في حاجة غريبة دي مش
ظروف ينفع فيها ايمان دي ملهاش غير تفسير واحد انك لا تهدي من احببت ولكن الله يهدي من يشاء شاء الله عز وجل هداية عمر وشاء الله عز وجل الخير لعمر وللمسلمين وللارض بكاملها يا اخواني قام عمر في هذه الظروف قام ليغتسل تخيلوا قام ليغتسل في بيت اخته والله
يا اخوة انا حاسس ان المية كانت بتنزل على راس وجسد عمر بتغسل كل ادران
الكفر بتغسل كل ادران الجحود المية مكنتش بتغسل من بره بس لأ المية كانت
بتغسل قلبه وعقله عمر خرج واحد تاني خالص خالص لما خرج من الاغتسال اعطته
فاطمة الصحيفة وبدا يقرا بس بدا يقرا بلسانه وبدا يقرا برضه بعقله قال ايه
قال "بسم الله الرحمن الرحيم" لسة في اول الكلام البسملة "بسم الله الرحمن الرحيم" قال اسماء طيبة طاهرة سبحان الله من اول البسملة وظهر الخير الذي في داخل عمر ثم قرا "طه ما انزلنا عليك القران لتشقى " خلي بالك عمر من الناس اللي سببت شقاء لرسول الله صلى الله عليه وسلم ولصحابته من الذين سببوا تعذيبا والما وجراحا لهم يقرا قول الله عز وجل "طه
* مَا أَنْزَلْنَا عَلَيْكَ القُرْآنَ لِتَشْقَى * إِلَّا تَذْكِرَةً
لِمَنْ يَخْشَى * تَنزِيلًا مِمَّنْ خَلَقَ الأَرْضَ وَالسَّمَوَاتِ
الْعُلى * الرَّحْمَنُ عَلَى الْعَرْشِ اسْتَوَى * لَهُ مَا فِي
السَّمَوَاتِ وَمَا فِي الأَرْضِ وَمَا بَيْنَهُمَا وَمَا تَحْتَ الثَّرَى *
وَإِنْ تَجْهَرْ بِالْقَوْلِ فَإِنَّهُ يَعْلَمُ السِّرَّ وَأَخْفَى *
اللَّهُ لا إِلَهَ إِلَّا هُوَ لَهُ الأَسْمَاءُ الْحُسْنَى " تزلزل عمر يا اخواني من داخله تزلزل وجد نفسه خاشعا متصدعا من خشية الله عز وجل يقول عمر فتعظمت في صدري تعظمت هذه الايات في صدري فقلت ما احسن هذا الكلام ما اجمله يالله
انتوا فاكرين عمر فاكرين عمر من عشر دقايق بس هوا ده عمر بعد الاسلام يا
اخواني شايفين الفرق شايفين شكله ايه هوا ده الاسلام اسلم عمر يااخواني ويا
اخواتي اسلم بمعنى الكلمة اسلم لله اسلاما كاملا اسلم بكل ذرة في جسده رضي الله عنه والله يا
اخوه هذه اللحظة من اعظم لحظات البشرية على الاطلاق لحظة تحول فيها رجل
بسيط قليل يسجد لصنم ويعذب المؤمنين الى عملاق عملاق من عمالقة الايمان الى
فاروق الى رجل يراقب الله عز وجل في كل حركة وفي كل سكنة وفي كل كلمة وفي كل همسة 8 ايات بس 8 ايات صنعت الاسطورة الاسلامية العجيبة عمر رضي الله عنه وارضاه خباب طبعا سمع هذا الكلام خرج على طول من مخباه خرج وقاله في منتهى الوضوح يا عمر والله اني لارجوا ان يكون الله قد خفق بدعوة نبيه فاني سمعته امس وهو يقول اللهم ايد الاسلام بابي الحكم ابن هشام او بعمر ابن الخطاب فالله الله يا عمر خباب خايف ان عمر يرجع في كلامه فبيروح بسرعة يحمسه ويشجعه ان الرسول صلى الله عليه وسلم كان بيدعيله فقال عمر عند ذلك خلي بالك من الكلمة الخطيرة ديه فاين رسول الله رسول الله مش اين محمد فاين رسول الله صلى الله عليه وسلم هكذا في بساطة شديدة يعترف برسالة رسول الله صلى الله عليه وسلم قال خباب في منتهى الوضوح فانه في دار الارقم اطمن تماما انه في دار الارقم فاخذ عمر سيفه وتوشحه ثم انطلق من جديد الى رسول الله صلى الله عليه وسلم ولكن في هذه المرة يا اخواني انطلق بقلب مؤمن ضرب عمر الباب على رسول الله صلى الله عليه وسلم وعلى
الصحابة في دار الارقم قام واحد من الصحابة يبص فلقى عمر وسيفه على صدره
الصحابيء طبعا رجع مرعوب هذا عمر ابن الخطاب متوشحا سيفه خلي بالكم يا
اخواني جوه بيت الارقم اربعين صحابي مين اللي قام يدافع عن كل الصحابة وعن رسول الله صلى الله عليه وسلم عارفين مين؟ حمزة ابن عبد المطل رضي الله عنه وارضاه سبحان الله
حمزة مع انه مآمنش الا من 3 ايام بس لكن ايمانه ولد عملاقا قال حمزة في
صلابة وا عمر يعني ايه عمر يعني افتحوا له الباب يعني احنا هنخاف من عمر
فان كان يريد خيرا بذلناه له عايز اسلام هنديله ان كان يريد خيرا بذلناه له
وان جاء يريد شرا قتلناه بسيفه الله اكبر ايه ده فقال رسول الله صلى الله عليه وسلم
بهدوء جميل جدا يا اخواني قال اءذنوا له عادي جدا بمنتهى الهدوء اءذنوا له
افتحوا لعمر هنخاف يعني من عمر فتحوا لعمر دخل عمر ثم ادخلوه الى غرفة
بالدار ثم قام اليه رسول الله صلى الله عليه وسلم فدخل عليه واقترب منه وقام قايم سبحان الله ماسكه وشدوا شده كبيرة جدا نحيته وقال له في قوة ما جاء بك يابن الخطاب فوالله ما ارى ان تنتهي حتى ينزل الله بك قارعة كلمة تعبر عن مدى المعاناه التي كان يلاقيها المسلمون من عمر لكن عمر يا اخواني مش هوا عمر الي فات قال عمر بصوت منخفض يارسول الله جئت لاومن بالله وبرسوله وبما جاء من عند الله يالله انتصار هائل يا اخواني انتصار هائل للدعوة انتصار كبير جدا وبالذات بعد دخول حمزة رضي الله عنه و ارضاه في دين الله عز وجل الفرحةفي قلب الرسول صلى الله عليه وسلم كانت لا توصف يا اخواني اول رد فعل للرسول ان كبر الله عز وجل الله اكبر الله يا اخواني هو الذي صنع هذه المعجزة الله هو الذي اتى بعمر الى هذه الدار الصحابة عرفوا ان عمر اسلم دخلوا عليه يهنئونه جميعا سبحان الله سبحان الله كل العداوة القديمة اتمسحت دلوقتي فيه حب في اخوة في موده ياسبحان الله
ولد عمر من جديد يا اخواني ولد عمر فعلا من جديد وكما ولد حمزة عملاقا فان
عمر ايضا ولد عملاقا ولد عمر فقيها حازما مضحيا تخيلوا اول كلمة قالها بعد
الاسلام كانت ايه ؟ كلمة غريبة جدا اول حاجة قالها قال يارسول الله السنا على الحق قال بلى قال ففيما الاختفاء سبحان الله
خلي بالك يقول السنا السنا على الحق لا يقول الستم على الحق يقول السنا
خلاص بقى مسلم بقى واحد منهم وبيقترح عليهم آراء وبيفكر لخدمة الدين وبيشوف
ايه الاصلح وبيتحرك للدعوة هوا ده عمر يا اخواني هوة ده عمر قال ففيما
الاختفاء مستخبين ليه طبعا الاختفاء يا اخواني كان لاسباب الرسول صلى الله عليه وسلم كان بيحسب كل شئ بدقة بياخد بكل الاسباب لكن دلوقتي لازم الرسول صلى الله عليه وسلم يرجع من جديد يعيد حساباته تاني الوضع اتغير عن 3 ايام فاتوا ان كان للاختباء مزايا قبل ذلك

فاللاعلان مزايا دلوقتي ايمان حمزة وعمر غير الوضع دلوقتي في مزايا كتير جدا جدا للاعلان الرسول صلى الله عليه وسلم
وافق على الاعلان تخيلوا 2 بس من رجال المسلمين غيروا مسار الدعوة بكاملها
في هذه الفترة الحرجة هيبتدى يعلن الاسلام في مكة يظهر المسلمون امام
الناس في مكة تقضى الشعائر امام كل الناس في مكة وهذه الدعوة كبيرة جدا جدا
لله ولرسوله وللاسلام والمسلمين فالرسول صلى الله عليه وسلم غير كل المرحلة لما 2دول دخلوا في الدين سبحان الله
خرج المسلمون في صفين خدوا القرار في نفس الحظة وخرجوا في نفس الحظة
التنفيذ كان في نفس الوقت خرج في صفين عمر على احدهما ولم يؤمن الا منذ
دقائق وحمزة على الاخر وما آمن الا منذ ثلاثة ايام فقط سبحان الله
وسارت الكتيبة العسكرية الاسلامية من دار الارقم الى المسجد الحرام يا
اخواني اكتر حتة زحمة في مكة علشان يشوفهم اكبر عدد قريش شافت المسلمين
وقدامهم حمزة وعمر سبحان الله اصابتهم كئابة شديدة كان انتصار ضخم جدا جدا للاسلام يقول عمر فسماني رسول الله صلى الله عليه وسلم الفاروق يوم إذ سبحان الله نقلة كبيرة جدا جدا بين مرحلة ومرحلة تانية عمر سبحان الله
بص في المسجد الحرام ملقاش ابو جهل طبعا هوا كان عارف ان اكتر واحد بيحارب
الاسلام هوا ابو جهل قرر ان يذهب اليه في بيته ويعلن له امر الاسلام يقول
عمر فاتيت حتى ضربت عليه بابه فخرج الي وقال مرحبا واهلا يابن اختي طبعا
ابو جهل لسه ميعرفش ان هو اسلم وابو جهل خاله فقال عمر لا والله مفيش حاجة يعني حاجة بسيطة جئت لاخبرك اني قد آمنت بالله ورسوله محمد وصدقت بما جاء به قال عمر فضرب الباب في وجهي وقال قبحك الله
وقبح ما جئت به طبعا سيدنا عمر كان سعيد جدا جدا انه كاد لابي جهل تخيلوا
كان لسة من كام يوم صاحبه مش كام يوم كان لسة من كام دقيقة صاحبه لكن
السلام نقله نقلة ضخمة يا اخواني نقله فعلا ضخمة والله بس
عمر لسة برضوا شايف ان في ناس كتير لسه معرفتش بموضوع اسلامه وموضوع
الاعلان ده ومش هيروح لكل واحد في بيته يقوله اننا اسلمت في فكر في فكرة
جدا راح لواحد اسمه جميل ابن معمر الجماحي جميل ده زي ما بيقول سيدنا عمر
كان انقل قريش لحديث يعني حاجة كده عاملة زي وكالات الانباء مابيتبلش في
بقه فولة مايسمعش حاجة الا ويقولها لكل الناس فراح سيدنا عمر وقاله يا جميل
لقد اسلمت فنادى جميل باعلى صوته طبعا هوا ده المطلوب قال ان ابن الخطاب
قد صبأ صبأ يعني ارتد طبعا هوا لازم يحط الحتة بتاعته زي اي اعلان حط الحتة
بتاعته وقال صبأ سيدنا عمر جري وراه وقال كذبت ولكن قد اسلمت لكن كل مكة
عرفت ان عمر دخل في دين الاسلام وهو المطلوب هوا ده الي كان عايزة سيدنا
عمر رضي الله عنه ايه كان رد فعل مكة جمعوا نفسهم يا اخواني اتلموا حولين سيدنا عمر ابن الخطاب ونزلوا ضرب في عمر اول مرة مكة تضرب عمر رضي الله عنه وارضاه قعد سبحان الله يضرب فيهم ويضربوا فيه وهما ملمومين حوليه وفي الاخر تعب رضي الله عنه قعد على الرض وقعد يقول افعولوا ما بدى لكم فاحلف بالله ان لو كنا ثلاثة مئة رجل لقد تركناها لكم او تركتموها لنا يعني اصبروا علينا بس لما نوصل لثلاث مئة سبحان الله شايفين الرقم اللي قاله هوا ده الرقم بتاع المسلمين في بدر عمر من اول يوم اتولد يا اخواني وهوا فقيه سبحان الله ومن اول يوم ضرب واهانة ومشاكل زي ما يكون ربنا سبحانه وتعالى بيعرفه طريق الدعوة وهوا لسة في اوله كل الناس اللي شالت هم الدعوة تعبوا التعب ده يا اخواني الا ان سلعة الله غالية الا ان سلعة الله الجنة ومع ان عمر انضرب في اول يوم الا
ان ده كان رد فعل استثنائي نتيجة المفاجئة باسلام عمر اسلام حمزة واسلام
عمر يا اخواني كان برضه اسلام كبير جدا جدا ومكة بعد ما عملت العملة ديه
رجعت تاني للصواب عمر مهيب يا اخواني عمر مهيب الناس بتخاف منه وتعمله الف
حساب بياكد على كده كلام صهيب الرومي رضي الله عنه وارضاه يقول لما اسلم عمر
ظهر الاسلام ودعويا اليه علانية وجلسنا حول البيت حلقاً وطفنا بالبيت
وانتصفنا ممن غلظ علينا ورددنا عليه بعض ما ياتي به تحول خطير في وضع
المسلمين

يقول عبد الله ابن مسعود رضي الله عنه وارضاه ما زلنا اعزاء منذ اسلم عمر ومع ان وضع المسلمين اتحسن بالصورة ديه الا ان الرسول صلى الله عليه وسلم
وخلي بالك من الكلام ده مهم قوي يا اخواني مهم جدا هذا فقه المرحلة مع ان
الوضع اتغير كبر واصبح المسلمين يظهرون عبادتهم وشرائعهم في مكة الا ان الرسول صلى الله عليه وسلم
لم يعلن الحرب على قريش لم يبدا في مواجهة عنترية مع صور الباطش مكة ابدا
مازالت الاصنام منتشرة في مكة بل في الكعبة مازالت الرايات الحمر للزانيات
مرفوعة مازالت الخمور تسقى في مكة مازال المشركون يعبدون اله غير الله عز وجل
مازال القتال ممنوع على المسلمين يا اخواني فقه المرحلة ساعات شباب بيتحمس
للامر بالمعروف والنهي عن المنكر بالقوة والسلاح والعنف متخيلين خلاص انهم
في زمن تمكين وسياده بينسوا ان الرسول صلى الله عليه وسلم
الرسول نفسه عمل الي احنا بنقول عليه ده في فترة مكة الجرئة يا اخواني
الجرئة من شباب المسلمين في فترة مكة على المشركين كانت لا تعد شجاعة ولا
تعد جهادا انما كانت تعد تهور وتسرع وجهل فعلا كان هذا يعد جهل شديد بفقه
المرحلة ميزان المسلمين تقل بحمزة وبعمر لكن بحساب يا اخواني بحساب وهي
رسالة الى كل المتحمسين من الشباب سعات بنشوف الظروف مشابهة لظروف مكة
وكمان من غير حمزة ومن غير عمر ومع ذلك يحدث تهور واندفاع انا بقولهم كم
تخسر الدعوات من حماسة في غير موضعها تماما كما تخسر من روية في غير موضعها
يبقى ده كان وضع المسلمين لسه مفيش قتال ولسه مفيش مواجهة عنيفة مع
المشركين في مكة لكن قوتهم زادت جدا جدا مش بس انهم زادوا اتنين لاء دا في
ناس كتيرة في مكة هتبتدي تفكر في موضوع الاسلام هيتشجعوا باسلام حمزة وعمر
وفيه مسلمين كتير اعلنوا اسلامهم وفي مسلمين بدئوا يصلوا قدام الناس ويقروا
قران قدام الناس ومكة بدات تتفرج على الاسلام تتفرج على حلاوة الاسلام
تتفرج على شرائع الاسلام طبعا اهل الباطل كانوا في موقف صعب جدا الموضوع
هيخرج من ايديهم الدعوة تتسلل الى كل بيت بتدخل حتى جوه بيوت الكافرين طيب
يعملوا ايه ؟

عملوا
اجتماع مهم جدا جدا اجتماع على مستوى القاده والزعماء في مكة تقريبا كل
زعماء مكة كانوا حاضرين في الاجتماع دهوة تقدم عتبة ابن ربيعة انتوا عارفن
عتبة ابن ربيعة زعيم من زعماء بني اومية واحد حكماء قريش تقدم باقتراح قال
يا معشر قريش الا اقوم الى محمد صلى الله عليه وسلم فاكلمه واعرض عليه
امورا لعله يقبل بعضها فنعطيه ايها شاء ويكف عنا خلي بالك هيعرضوا امور
مغرية والرسول صلى الله عليه وسلم هوا الي هيختار طبعا يا اخواني هذا تنازل خطير من زعماء قريش بيفسرك الوضع الذي اصبحت فيه مكة بعد اسلام حمزة واسلام عمر رضي الله عنهما ومع ان هذا على غير هوى المعظم الا انهم وافقوا مضطرين قالوا بلى يا ابى الوليد قم اليه فكلمه ذهب عتبة الى الرسول صلى الله عليه وسلم
لقاه قاعد لوحده في البيت الحرام سلم وتلطف وابتسلم وقعد وبدا يتكلم خلي
بالنا ان عتبة يا اخواني كان ذكي جدا اكلام بتاعه كان في عرف كل الناس
ميترفضش زي ما بيقولوا كده عداه العيب قال عتبة يابن اخي انك منا حيث قد
علمت من الصفة في العشيرة والمكان في النسب يعني انت مكانتك عندنا كبيرة
قوي احنا بنحبك وبنحترمك يعني طبعا طريقة ثعبانية مشهورة عند عتبة وعند
امثال عتبة وبعدين بدا بقة يخش في الجد بد يقوله ان انت مع المكانة العالية
بتاعتك ديه الا انك عملت حجات بتعتبر في عرف مكة جرائم عظمى دا انت متهم
بكذا وكذا وكذا وده شئ خطير وموقفك صعب قاله ايه قاله انك قد اتيت قومك
بامر عظيم فرقت به جماعتهم وسفهت به احلامهم وعبت به آلهتهم ودينهم وكفرت
به من مضى من آبائهم يعني انت متهم بمنتهى الوضوح بزعزعة نظام الحكم في مكة
وبعدين انت مالك يا اخي ومال الدين متسيب الدين لاهل الدين الكهان والناس
الي بتعبد الاصنام انت مالك كده مستقبلك في خطر وانت راجل لك مكانة وعندك
اولاد احنا عايزين مصلحتك وبنحبك وعشان بنحبك هنعرض عليك كذا وكذا من
الاقتراحات اختار منها الي يعجبك واحنا تحت امرك احنا ايه تحت امرك يبقى
بالمقدمة ديه الطريقة الثعبانية بيقوله ان الاقتراحات الي احنا بنتدهاك ديه
مش بس اقتراحات مغرية لأ ده رافض الاقتراحات معناه توجيه التهم الخطيرة
دية ليك وعقابها انت عارفه مش هقولهوك طبعا حرب نفسية شديدة لكن هذه الحرب
مغلفة بابتسامة وضحكة وسلام واحترام طبعا يا اخواني الرسول صلى الله عليه وسلم فاهم اللعبة دي من اولها لآخرها فاهم ان ديه مساومة على الدين ومع ذلك سبحان الله كان في غاية الادب في غاية الادب مع عتبة المشرك وقال له في منتهى الرقة قل يا ابا الوليد اسمع سبحان الله
كمان بيدلعه بيقوله يا ابا الوليد مش قل يا عتبة وهيبتدي فعلا يسمع يا
اخواني ومش هيقاطعه وطبعا ده كله عشان يديله فرصة ان هوا يتكلم بعد كده
عتبة يدي فرصة للرسول انه يتكلم بعد ما يخلص كلامه وهنشوف ازاي بعد كده ان
عتبة بدأ يسمع للرسول من غير ما هوا كمان يقاطعه يبدا عتبة في عرض امور
والله يا اخوة لو اتعرض عشر هذه الامور على مفاوضي هذه الايام لقبلوها دون
تردد عروض في غاية الاغراء لاهل الدنيا قال عتبة العرض الاول يابن اخي ان
كنت اننا تريد بما جئت به من هذا الامر مالا جمعنا لك من اموالنا حتى تكون
اكثرنا مالا يعني هتبقى اغنى واحد في مكة تخيلوا في ناس كتير بتجاهد حياتها
كلها علشان المال فبيقوله هتبقى اغنى واحد في مكة من غير اي مجهود

العرض
التاني قال وان كنت تريد به شرفا سودناك علينا حتى لا نقطع امرا دونك
تخيلوا كل مكة بكل قبايلها وده شئ غريب يا اخواني كل قبيلة في مكة كانت
كانها دولة مستقلة لكن عتبة او ابو الوليد بيقولوه

رايك
هيمشي على كل الناس ثم يقول العرض الثالث وان كنت تريد به ملكا ملكناك
علينا خلي بالك دي حاجة بقة ولا واحد في مكة حلم بيها ولا واحد في مكة كل
اهل مكة عمرهم ما حلموا ابدا بملك على مكة ده اول ملك يكون على مكة فده كان
العرض التالت وبعدين العرض الرابع بقة عرض غير مؤدب لكن بيحاول يقوله
بصورة مؤدبة يقوله ايه ؟ يقوله وان كان هذا الذي ياتيك رأيا تراه لا تستطيع
رده عن نفسك طلبنا لك الطب وبذلنا في اموالنا حتى نبراك منه فانه ربما غلب
التاب على الرجل حتى يداوى منه يعني انت لو مقبلتش العروض الي فاتت يبقى
انت اكيد مجنون محتاج علاج واكيد راكبك بقى جن ولا عفريت ولا حاجة طبعا من
غير قصدك احنا عارفين ان انت راجل كويس واحنا معندناش اي مانع نعالجك في اي
حته انت عايزها لو حبيت حتى نسفرك بره ولا
نجبلك دكتور فارسي ولا رومي ولا هندي الي انت عايزه طبعا دي كانت العروض
بتاعت عتبة ابن ربيعة وعتبة بيقول الكلام ده وهوا حاسس ان هوا بيقدم اكبر
تنازل ممكن حد يتنازله في تاريخ مكة كلها والكلام ده فعلا يا اخواني ما في
حد في مكة عرض عليه هذه الامور التي عرضت على رسول الله صلى الله عليه وسلم وفعلا في عرف اهل مكة ان الي هيرفض الكلام ده فعلا يبقى مجنون او راكبه جن
طيب
كل العروض الفخمة دي في مقابل ايه؟

مانت لازم تفكر برضه ليه الرسول صلى الله عليه وسلم
زي ما هنشوف بعد شوية رفض العروض ديه هذه العروض يا اخواني في مقابل
السكوت عن الحق في مقابل ترك الدعوة في مقابل عدم الكلام فيما يرضي الاسياد
في مكة الرسول صلى الله عليه وسلم عارف كويس قوي ان التنازلات الضخمة في حياه الدعاه تبدا عادتا بتنازل صغير والرسول صلى الله عليه وسلم مش ممكن يتنازل ومع ان الرسول سبحان الله
من اول كلمة قالها عتبة وهوا عارف ان هذا الكلام كله مساومات لا قيمة لها
ومن اول كلمة قالها وهوا عازم تماما على رفض كل هذه العروض الدنياوية البسيطة السفيرة جدا جدا في نظر الدعاه الصادقين مع كل ذلك الا ان هوا سبحان الله
مقطعش عتبة ولا مرة مشخطش فيه وقاله انت عارف انت بتكلم مين انت بتشتريني
بهذه الاموال وهذه العروض مقلوش الكلام ده يا اخواني سابه يتكلم كووول
الكلام الي هوا عايزه لحاااد ما خل خالص ثم قال له بهدوء وعدم انفعال سبحان الله
سياسي محمد سياسي مؤدب يا اخواني قال له في منتهى الهدوء اقد فرغت يا ابا
الوليد خلصت كل الي عندك ولا لسه عايز تقول كلام تاني قال نعم قال رسول الله صلى الله عليه وسلم فسمع مني الدور عليه انا بقة قال افعل وهوا ده المطلوب يا اخواني هوا ميقدرش يرفض بعد الادب العظيم الي شافه من رسول الله صلى الله عليه وسلم كان مضطر انه يقعد يسمع فبدا الرسول صلى الله عليه وسلم في الكلام ولم يتكلم بكلامه هو صلى الله عليه وسلم انما تكلم بالقران قال صلى الله عليه وسلم "بسم الله الرحمن الرحيم*حم *تَنْزِيلٌ مِنَ الرَّحْمَنِ الرَّحِيمِ*كِتَابٌ فُصِّلَتْ آيَاتُهُ قُرْآنًا عَرَبِيًّا لِقَوْمٍ يَعْلَمُونَ* " خلي بالك من هؤلاء لقوم عتبة " بَشِيرًا وَنَذِيرًا فَأَعْرَضَ أَكْثَرُهُمْ فَهُمْ لَا يَسْمَعُونَ * " وبرضوا من هؤلاء يا اخواني عتبة قاعد الكلام جايله على الجرح بيوصف عتبة وبيوصف الي معاه "وَقَالُوا قُلُوبُنَا فِي أَكِنَّةٍ مِمَّا تَدْعُونَا إِلَيْهِ " مش ده كلام عتبة برضه مش هنسمع للي انت بتقوله "وَقَالُوا
قُلُوبُنَا فِي أَكِنَّةٍ مِمَّا تَدْعُونَا إِلَيْهِ وَفِي آذَانِنَا
وَقْرٌ وَمِنْ بَيْنِنَا وَبَيْنِكَ حِجَابٌ فَاعْمَلْ إِنَّنَا
عَامِلُونَ*قُلْ إِنَّمَا أَنَا بَشَرٌ مِثْلُكُمْ يُوحَى إِلَيَّ أَنَّمَا
إِلَهُكُمْ إِلَهٌ وَاحِدٌ فَاسْتَقِيمُوا إِلَيْهِ وَاسْتَغْفِرُوهُ
وَوَيْلٌ لِلْمُشْرِكِينَ * الَّذِينَ لَا يُؤْتُونَ الزَّكَاةَ وَهُمْ
بِالْآخِرَةِ هُمْ كَافِرُونَ *" طبعا يا
خواني عتبة قاعد مش عارف يتنفس كلمات معجزة عجيبة بتكشف الي جواه والي جوه
كل بني آدم وكل ما بيسمع اكتر كل ما بيخاف اكتر وهوا مش عارف يقوم الآيات
نازلة عليه زي الصاعقة سبحان الله قرأ رسول الله صلى الله عليه وسلم

قول الله سبحانه وتعالى :"قُلْ
أَئِنَّكُمْ لَتَكْفُرُونَ بِالَّذِي خَلَقَ الْأَرْضَ فِي يَوْمَيْنِ
وَتَجْعَلُونَ لَهُ أَندَاداً ذَلِكَ رَبُّ الْعَالَمِينَ * وَجَعَلَ
فِيهَا رَوَاسِيَ مِن فَوْقِهَا وَبَارَكَ فِيهَا وَقَدَّرَ فِيهَا
أَقْوَاتَهَا فِي أَرْبَعَةِ أَيَّامٍ سَوَاء لِّلسَّائِلِينَ* ثُمَّ
اسْتَوَى إِلَى السَّمَاء وَهِيَ دُخَانٌ فَقَالَ لَهَا وَلِلْأَرْضِ
اِئْتِيَا طَوْعاً أَوْ كَرْهاً قَالَتَا أَتَيْنَا طَائِعِينَ *
فَقَضَاهُنَّ سَبْعَ سَمَاوَاتٍ فِي يَوْمَيْنِ وَأَوْحَى فِي كُلِّ سَمَاء
أَمْرَهَا وَزَيَّنَّا السَّمَاء الدُّنْيَا بِمَصَابِيحَ وَحِفْظاً
ذَلِكَ تَقْدِيرُ الْعَزِيزِ الْعَلِيمِ * "يا سبحان الله بقى بعد كل هذه الصفات يروح واحد يسجد لهوبل ولا للات ولا للعزى فين عقلك ياعتبة فين عقل كل المشركين سبحان الله عتبة يا اخواني قلبه خلاص هيوقف فجة لقى الرسول صلى الله عليه وسلم بيقوله " فَإِنْ أَعْرَضُوا فَقُلْ أَنذَرْتُكُمْ صَاعِقَةً مِّثْلَ صَاعِقَةِ عَادٍ وَثَمُودَ *
" حس عتبة يا اخواني ان الصاعقة خلاص نازلة او هتنزل بعد دقايق مقدرش يمسك
اعصابه نسي الوقار بتاعه نسي مكانته في مكة نسي مفاوضات نسي عداوته
للاسلام نسي كل حاجة وقام يترجى الرسول صلى الله عليه وسلم كفاية كفاية حط ايده على فم الرسول صلى الله عليه وسلم انشدك الله والرحم انشدك الله والرحم علشان خاطر ربنا سبحانه وتعالى علشان خاطر قرابتنا ليك طلع يجري وهوا عمال يتكعبل سبحان الله مش بيبص وراه حاطت ايده على راسه وخايف ان الصاعقة تنزل عليه دخل على الكفار سبحان الله موقف لو يطول عتبه انه يدفع مليون دينار وميتعرضش ليه كان دفع

المهم في الاخر دخل على زعماء قريش طبعا كان منظره منظر زعماء قريش مكنوش محتاجين لاي زكاء علشان يعرفوا الي حصله قال بعهم نحلف بالله
لقد جاءكم ابو الوليد بغير الوجه الذي ذهب به قالوا ما ورائك يا ابا
الوليد ايه حكايتك مرعوب من ايه عتبة قعد وقعد يحكي الحكاية في منتهى الصدق
يا اخواني بدأ يتكلم سبحان الله زي ما يكون احد الدعاه الى الاسلام قال ورائي بتسالو ايه اللي حصلي ورائي اني سبعت قولا والله ما سمعت مثله قط والله
ما هو بالشعر ولا بالسحر ولا بالكهانة يا معشر قريش اطيعوني واجعلوها بي
وخلوا بين هذا الرجل وبين ما هو فيه فاعتذلوه ملكوش دعوه بيه سبوه في حالة
ماانتوش قده فوالله ليكونن لقوله الذي سمعت
منه نبأ عظيم يقول فان تصبه العرب قد كفيتموه بغيركم وان يظهر على العرب
هتبقوا انتوا بتوعه بقه وان يظهر على العرب فملكه ملككم وعزه عزكم وكنتم
اسعد الناس به سبوه في حاله خالص لاتصدقوه ولا تحاربوه طبعا زعماء قريش
معجبهومش الكلام ده قالوا سحرك والله يا ابا الوليد بلسانه قال هذا رأي فيه فاصنعوا ما بدى لكم طبعا يا اخواني ده كان معناه ان المفاوضات بين رسول الله صلى الله عليه وسلم وبين المشركين خلاص فشلت فشلت مع ان العروض كانت مغرية جدا جدا علشان يعلمنا الرسول صلى الله عليه وسلم ان السلام يا اخواني ليس معناه التنازل السلام لا يكون الا بحفظ الحقوق اول حق لازم تحافظ عليه هو حق ربنا سبحانه وتعالى لا يجوز لا يجوز ابدا لمفاوض او معاهد ان يبني عهده وميثاقه على المخالفة لحق الله عز وجل هذا
دستور اسلامي واضح وطبعا كان واضح ان هتحصل ازمة كبير جدا في مكة بعد هذا
الانهيار الكامل للمباحثات وابو طالب كان قاعد طبعا بيراقب الموقف وشايف ان
قريش لن تسكت عن هذا الذي حدث ابو طالب كان خايف ان اعصاب زعيم او سفيه من
زعماء او سفهاء قريش تفلت ويتهور ويروح يقتل الرسول صلى الله عليه وسلم
طيب يعمل ايه هوا بيحب الرسول فعلا يا اخواني بيحبه اكتر من ولاده طب ايه
الحل ابو طالب ملقاش غير حل واحد قام ابو طالب بسرعة ودعى بني عبد مناف
بشقيا بني هاشم وبني المطلب المطلب غير عبد المطلب المطلب هو عم عبد المطلب
جد رسول الله صلى الله عليه وسلم فدوله الفرعين بتوع عبد مناف دعاهم وطلب منهم يجتمعوا جميعا لحمايه ابنهم محمد صلى الله عليه وسلم سبحان الله
اجاب جميع القوم كول الناس مسلمهم وكافرهم حمية وقبلية وطاعة لكبيرهم ابي
طالب وبكد بقة واضح ان مكة هتخش في ازمة خطيرة فعلا مكة اتقسمت نصين بنوا
عبد مناف في نحية وبقية اهل مكة في نحية تانية واذا كان ابو طالب خايف من
زعماء مكة فبرضه زعماء مكة خايفين من المسلمين ومش عارفين يتصرفوا حمزة
اسلم وبعدين عمر اسلم حمزة كان من فرسان قريش الاشداء وعمر كان سفير مكة
الرسمي حاجة خطيرة جدا ان يكون مع الرسول صلى الله عليه وسلم والمباحثات مع رسول الله صلى الله عليه وسلم انهارت وبنو عبد مناف اتحدوا عشان يحموا الرسول صلى الله عليه وسلم طب وبعدين الطرق السلمية معدتش نافعة وفي نفس الوقت ما يقدروش يقتلوا الرسول صلى الله عليه وسلم
وميقدروش يحاربوا بنى عبد مناف كلها طيب يعملوا ايه موقف خطير جدا جدا
اجتمعوا من جديد عملوا اجتماع طارق عاجل وقعدوا يفكروا سوه وفي الاخر خرجوا
بفكرة جديدة فكرة جديدة خالص في حرب الدعوة ملقوش عندهم حل غيرها فقرروا
بالاجماع ان ينفذوا هذه الفكرة ايه هيا الفكرة ديه؟

فكرة
المقاطعة سياسة الحصار الاقتصادي لبني عبد مناف سياسة التجويع الجماعي
لبني عبد مناف سواء كانوا مسلمين او كانوا كفار كل بني عبد مناف وقعدوا
الكفار يحطوا القانون الجديد القانون الجديد ده يا اخواني هيكون مخالف
لأعراف مكة وقوانين مكة السابقة مش مشكلة يتغير الدستور ما هي كل حاجة في
اديهم طيب دحنة في شهر ذي الحجة شهر حرام برضه مش مشكلة طيب داحنا في مكة
البلد الحرام برضه مش مشكله