الحلقه الثانيه عشر(رد فعل الصحابه تجاه الايذاء)

[size=25]
في طرق الرسول صلى الله عليه وسلم سلكها عشان يعلم الصحابة
في طرق علمهالهم بوضوح

دين الاسلام الحمد لله ليس فيه ضلالات وليس فيه أوهام كل شئ فيه واضح
أنا هقول لكم على بعض الأساليب اللي خلت الصحابة يتحملوا هذه الآلام
المضنية في هذه الفترة العصيبة من تاريخ الدعوة وان شااء الله نتعلم
منهم....
مذاكرة على شكل نقاط رئيسية فقط بدون تفاصيل

الأسلوب الأول او الطريقة الاولى في زرع الصبر في قلب المسلمين و المؤمنين هو:
* تعظيم قدر الله عز وجل
لو انت معظم فعلا قدر ربنا سبحانه وتعالي في قلبك مش ممكن هيهمك كل ألم يمر بك من هذه الآلام
علشان كدة تلاقي القرآن المكي كتير جدا جدا بيتكلم على تعظيم قدر الله عز
وجل بيتكلم عن صفات الله عز وجل عن جبروت الله عز وجل عن عظمة الله عز
وجل عن قدرة الله عز وجل عن أن الله عز وجل في يده كل شئ وان كان سيصيبك
ضر لابد أنه سيصيبك ولو اجتمع أهل الأرض لحمايتك فلن ينفعوك وعلى العكس
لو ربنا سبحانه وتعالى رايد بيك رحمة لابد أن تحدث لك الرحمة وان اجتمع
أهل الأرض ليمنعوك منها
شوف ربنا بيقول إيه مثلا في القرآن المكي في سورة الأنعام:
" وإن يمسسك الله بضر فلا كاشف له إلا هو وإن يمسسك بخير
فهو على كل شئ قدير "

لو انت فعلا مصدق بهذه الكلمات يبقى هتعرف ان نصيبك من الألم هتاخده
هتاخده لأن ربنا سبحانه وتعالى هو الذي يكشف وهو الذي أراد أن يقع بك ذلك
الألم فلابد أن يقع
" وإن يمسسك الله بضر فلا كاشف له إلا هو وإن يمسسك بخير فهو على كل شئ قدير وهو القاهر فوق عباده وهو الحكيم الخبير"

خلي بالكم يا اخواني كل واحد - كل واحد مكتوب عليه نصيبه من الألم كل واحد
كان ظالم ولا كان مظلوم كان كافر ولا كان مؤمن- كل واحد
ان مكنش هياخده تعذيب في سبيل الله هياخده في صورة تانية ... وجع في ضرسه
سرطان في أي حتة في جسمه كسر في رجله صداع في دماغه لازم هياخد نصيبه
" لايغرنك تقلب الذين كفروا في البلاد "

ممكن يكون نصيبه ألم معنوي - ساعات بيكون الألم المعنوي أشد من الألم
المادي تلاقي مثلا عنده ابن فاشل بيشرب مخدرات حرامى عاق لوالديه ، قليل
أو منعدم الأدب تلاقي زوجته منكدة عليه عيشته ورئيسه مبهدله كل يوم عايش
في تعاسة و شقاء حتى لو كان أدام الناس سعيد ومبسوط وممكن في الأرض
"فإن له معيشة ضنكا" - ضنكا

كل الناس يا اخواني بتحس بالألم كل الناس ...
" إن تكونوا تألمون فإنهم يألمون كما تألمون وترجون من الله ما لا يرجون"

المسلم بيتعذب كل التعذيب ده ومستني الجنة في الآخر لكن الظالم مسكين
بيتعذب برده فى الدنيا بالطريقة اللي ربنا عايزها سبحانه وتعالى ومستني
إيه في الآخر؟؟؟
مستني جهنم - عذاب في الدنيا وعذاب في الآخرة

يبقى ازاي المؤمن ميصبرش؟؟!!
يبقى المؤمن لما بيعظم قدر ربنا سبحانه وتعالى بيستسهل التضحية من أجل
الله عز وجل يبقى أول حاجة تعرف ان كل شئ بأيد الله سبحانه وتعالى وان كل
شئ قدره الله سبحانه وتعالى لابد أن يحدث سواء كان نعمة أو مشقة و عذاب و
ألم يبقى دة الأسلوب الأول. تعظيم قدر الله عز وجل