الحلقه الرابعه لماذا ينزل الوحي في مكه (الجزء الاول)

لماذا ينزل الوحي في مكه ؟؟؟؟

لماذا
تحدث قصة رسول الله صلى الله عليه
وسلم فى الجزيره العربيه - من مكه والمدينه والطائف وخيبر
وارجاء الجزيره الاخرى- ؟؟؟؟
أشمعنى
فى هذا المكان بالذات ؟؟؟؟
ليه الرسول صلى الله عليه وسلم مثلا لم يُبعث في فارس او الروم او في فلسطين زي بقيه الانبياء أوفى مصر مثل سيدنا
موسى عليه السلام؟؟؟
اشمعنى
في مكه اشمعنى فى جزيرة العرب ؟؟؟؟

يا أخوانى ويا أخواتى مافى
نقطه واحده في حياة رسول الله صلى الله عليه وسلم
عشوائيه - مافى نقطه واحده - ، كل شئ بحساب ، كل شئ مقصود .
الرسول
صلى الله عليه وسلم سيكون
مثالاً لكل المسلمين إلى يوم القيامه
" قدوه " ....لازم تكون كل خطوه فى هذا المثال محسوبه - محسوبه تمام .

يبقى الوضع فى جزيرة العرب كان الوضع المناسب
لقيام الدعوه الاسلاميه .

وبعدين واضح ان التجربه الاسلاميه الاولى كانت تجربه ناجحه تماما ، واضح أن البيئه اللي نشأت فيها الرساله كانت بيئه
صالحه - لأننا شفنا الاسلام بينتشر بصوره عجيبه جدا فى
الارض فى غضون سنوات قليله
لا تُحسب فى التاريخ بشيئ وصل الاسلام من اقصى
الارض إلى اقصاها - شئ محير جدا ، شئ غريب جدا -

مش بس كده بل ودخل الناس فى
دين الله أفواجاً راغبين غير مكرهين
.

يبقى احنا بنسأل السؤال ده
علشان نعرف ايه ؟؟؟؟
المقومات اللي نجحت رساله
الاسلام طبعا الرساله من الممكن ان تحقق
نجاحاً ذاتيا ، يعنى فى أى
مكان تقوم ...لأن الرساله في ذاتها عظيمه
.

- نعم تصلح لكل زمان ومكان -
لكن من
منظور هذه المجموعه من
الدروس احنا بنقول كيف نبني أمه ؟؟ أزاى نبني أمه؟؟

وأول البناء هو وضع الاساس
.....
واحنا عايزين نعرف ليه ربنا
سبحانه وتعالى اختار المكان ده بالذات لوضع الاساس لهذا المشروع الناجح - مشروع الاسلام؟
ماهى مواصفات هذا المكان ؟ ،
ماهى ظروفه ؟ ، ماهى طبيعته ؟؟؟

لو قدرنا نعرف هذه المواصفات هنقدر نستخرج قواعد أنا أعتقد أن هي هتكون فى منتهى الاهمية لأعادة بناء الامه
الاسلاميه على اساس صحيح ، ساعتها هنعرف أيه هيه البيئه
اللي ممكن تكون أصلح لنشئة
الدعوه الاسلاميه ولنشئة هذا الدين وتمكينه.

طبعا
الحكمه الكامله وراء ذلك
الامر لايعلمها الا الله عز وجل لكن احنا بنحاول
نبحث قدر الأستطاعه ونسأل
الله عز وجل التوفيق .

أول حكمه :
*************

تتبدى لي في ذلك الامر أن
هذه المنطقه ليس لها تاريخ ثقافي يُذكر ،
ليس فيها فلسفات سابقه، ليس فيها تشريعات مركبه ، مكنش فيها
قوانين مفصله
.
حياه كانت بسيطه - بسيطه
جداا إلى أبعد درجات البساطه .

الحضارات المعاصره كما ذكرنا فى المحاضرة السابقه كانت لها أفكار مرتبه وفلسفات خاصه وتاريخ طويل -
طويل جدا.

الدوله الروميه الغربيه
والشرقيه كان فيها قوانين كتير أوي وتشريعات فى
معظم المجالات ، أه كان فيها ظلم وفيها قهر
وفيها بطش بس كان في قوانين
، وقوانين كتير .

اليونان كانت جزء من الدوله الرومانيه الشرقيه وكان فيها فلسفات كتير أوي ، وظهر فيها فلاسفه كبار،
يعني ظهر فيها أرسطو وأفلاطون وسقراط وغيرهم .

الدوله الفارسيه ظهر فيها
مزدك بتاع الشيوعيه اللى اتكلمنا عليه
فى الدرس اللى فات ، وظهر فيها زرادشت بتاع
النار، الهند ظهر فيها حكماء
كتير زيي ما بيقولوا ، والصين ظهر فيها بوذا
وكمفوشيوس و لاوتسو
.

ومصر كان فيها الفراعنه
وتاريخهم طويل أوي وقديم أوى وكان عندهم برده قوانين وتشريعات وأحكام .

ومع كل هذا سبحان الله نزلت الرساله فى مكان يُعتبر تقريبا بلا تاريخ ثقافي - تقريبا .... اللهم إلا الشعر لكن حتى هذه النقطه
- نقطة الشعر مكانش ليها دور
فعال في بناء الامه الاسلاميه ، مكنش ليها اهميه خاصه فى بناء الامه الاسلاميه ،على الأقل فى
البدايه.
بل ان الرسول صلى الله عليه وسلم - الرسول
نفسه كان لا يعرف نظم الشعر على بلاغته وفصاحته صلى الله عليه وسلم ،طبعا الرسول صلى
الله عليه وسلم أبلغ البشر أجمعين ومع ذلك لم يكن
يقول
الشعر، ده ربنا بيقول سبحانه
وتعالى في كتابه الكريم :
(وماعلمناه الشعر
وما ينبغى له)
.يعنى ميصحش أنه يقول شعر....
ليه وماينبغي له - يعنى ميصحش يقول شعر- ..... ليه ؟؟؟
ميصحش
أنه يقول شعر مش عشان الشعر
حرام ..... لأ - لكن لكى لا يختلط على الناس الأمر ، يعنى يعتقد الناس ان القرآن نوع جديد من الشعر ساقه الرسول صلى الله عليه وسلم
.
الله عز وجل أراد ألا يختلط
القرآن بأى شئ من كلام البشر - أى شئ - حتى لو كان من كلام رسول الله صلى الله عليه وسلم.

يعنى ياأخوانى وأخواتى التراث الثقافي الوحيد
تقريبا في جزيره العرب واللي هو الشعر مكانش ليه أى دور فى بناء الامه الاسلاميه - على الاقل فى البدايه -

كل ده كان ليه ؟؟؟ عشان حاجه مهمه جدا - عشان شئ فى غايه الاهميه خليكوا فاكرين - عشان نقاء الرساله.علشان الرساله متخطلتش بأفكار سابقه و يبقى مجال اتهام خطير، الناس ممكن تقول الاسلام مجرد تطور
للمعتقدات السابقه، يعنى مثلا كمفوشيوس
اوبوذا
او سقراط او غيرهم من الفلاسفه
لهم معتقدات معينه قواعد خاصه وضعوها
منذ
مئات السنين بعضها قد يحث
على معنى معين يحث عليه الاسلام أيضا ولكنه يكون
بشيئ من الاختلاف أو التغيير
يعنى قد يحث بعضهم مثلا على الصدق قد يحث بعضهم على الزهد فى الدنيا قد يحث بعضهم على الامانه فإذا جاءت هذه الافكار فى الاسلام بعد ذلك قد يعتقد البعض أن هي مجرد تطور فى الافكارالسابقه ، يعنى
تطور لافكار سقراط او بوذا أو غيره .

الكلام ده على فكره قاله بعض المتطاولين على الاسلام ، قالوه - مع ان الرسول صلى الله عليه وسلم بعيد جداجدا عن الفلاسفه
دول ومكانش بيعرف يقرأ - صلى الله عليه وسلم - فما بالكم
لوكان الرسول صلى الله عليه
وسلم نشأ فى بيئه مليانه بالفلاسفه ومليانه
بالثقافات القديمه
.... الناس كانت هتقول أيه؟؟؟

وبعدين فى حاجه تانيه مهمه جدا .... قد تتسرب بعض هذه الافكار الى الاسلام دون درايه المسلمين بذلك ، يعنى بالراحه كده وسنه سنه يختلط الصواب بالخطأ ويختلط الحق بالباطل
.

شوفوا القواعد الجاهليه اللي
كانت مترسخه فى الناس ازاى خدت مجهود علشان الاسلام
يلغيها من أذهان الناس .
يعنى مثلا عادة التبني علشان الاسلام يلغيها حصلت
القصه المشهوره و طلاق زيد بن حارثه رضى الله عنه وأرضاه من السيده زينب بنت جحش ثم زواج الرسول صلى الله عليه وسلم
منها ، كل ده عشان نعمل هزه
كبيره جدا فى المجتمع المسلم الناس كلها تاخد
بالها
أن العاده دي مش من الاسلام
.

- تخيل بأه لوأن البلد دى مليان تشريعات وقوانين وفلسفات كان هيبأه أيه
الوضع ؟؟؟
-

ربنا سبحانه وتعالى أراد ان
تكون نقيه تماما ، ميكونش فيها اى خلط بأى
أفكار تانيه
.
وجايز عشان كده برده منزلتش الرساله فى فلسطين -
فلسطين لونزلت فيها الرساله هتبقى مجرد امتداد لليهوديه
أوالنصرانيه، نعم أصول التوحيد واحده
....... لكن الاسلام أتى بتشريع كامل
متكامل يحكم الدنيا والدين .

ربنا سبحانه وتعالى أراد ان
الرساله تنزل على رسول الله صلى الله عليه وسلم فى مكه حتى لا يدعى بعض المدعين - زي ماحصل من كفار مكه بعد كدهوت - أن الرسول صلى الله عليه وسلم أخد التوراه وخد الانجيل وحرف فيهم شويه وعمل منهم الاسلام - فى مكه أدعوا هذا الكلام
- أدعوا ان الرسول عليه الصلاه والسلام يتلقى هذه الايات من غلام نصراني ، فكيف لو نزلت الرساله فى بلد مملوء
بأهل التوراه والانجيل زي فلسطين مثلا كانوا هيقولوا
أيه ؟؟؟
- إذا كان فى مكه قالوا الكلام ده في فلسطين هيكون أدعى لهذا الكلام
-

لذلك نزلت هذه الرساله فى مكان ليست فيه بالفعل أى نوع من الثقافات السابقه أوالقوانين او
التشريعات..
كل ده علشان يفضل الدين فى
النهايه نقي خالص (ألالله الدين الخالص) .
الحقيقه احنا شفنا بعنينا
بعد كده شفنا اثار اختلاط الاسلام بالأفكارالغريبه عنه ، ازاى الخطوره تكون شديده جدا على الاسلام لو دخلنا عليه اى افكار
حتى ولو كانت من أفكار الفلاسفه وكبار الحكماء كما
يقولون .

شفنا فى التاريخ وشفنا فى
الواقع خد مثلا .....
دخول المناهج الفلسفيه اليونانيه الى الاسلام
عندما ترجمت كتب الفلاسفه اليونانيه الى العربيه
سقراط وارسطو وأفلاطون وغيره
ظهرت فرق شنيعه فى الاسلام ظهرت فرق زى :
فرق
المعتزله والمعطله والجهميه
وغيرها من الفرق التى ظهرت بسبب تطبيق هذه
الافكار الفلسفيه على
الاسلام .

ظهرت تفريعات كتيره جدا فى
العقيده خلت العقيده شئ غير مفهوم حتى
على بعض العلماء ، أمور غير مفهومه فتحت أبواب
مسائل ما فتحها رسول الله
صلى الله عليه وسلم نفسه ، وفُتن المسلمون بفتن ضخمه - ضخمه جدا زى مثلا :
فتنه الأدعاء بخلق القرءان
أو أين الجنه وغيره من المسائل .

الحاجات دى يا أخوان ضيعت
على المؤمنين وقت طويل جدا جدا ، شغلت المسلمين بأنفسهم ، حدث الصراع والجدال والقتال بين المؤمنين ، عطلت الجهاد وأضعفت
شوكه المسلمين ، بل أخرجت بعض المتكلمين من دين الاسلامى اصلا
.

يبقى كل المشاكل دي حصلت نتيجه اختلاط اصول الرساله
بغيرها من الاصول - ضاع مفهوم الرساله .

نزول
الرساله فى مكه كان يوفر
عليها كل هذا الخلط وبالذات وهي لسه فى أول الطريق - فى المهد - ، والدرس واضح للمسلمين
" حافظوا على نقاء رسالتكم " .أحنا مش محتاجين أى حاجه تانيه فوق القرءان والسنه كأصول للتشريع .... (تركت فيكم ما أن تمسكتم به لن تضلوا بعدي أبدا كتاب الله وسنتي) .
احنا فى الواقع بتاعنا برده
لو جيت بصيت على المفاهيم اللي دخلت على دين الاسلام وغيرت فى اعتقادات الناس وأفكار الناس وأخلاق الناس هاتستغرب جدا جدا وتقول معقول دول مسلمين مع أن كلهم
فى البطاقه مسلمين .

خد على سبيل المثال
:
أختلاط أفكار الناس بأفكار الغرب
اوالشرق فى قضية اللباس ... مثلا بص لملابس الفتيات (( أومتبصش طبعا يعنى [ندعوك للتسجيل في المنتدى أو التعريف بنفسك لمعاينة هذه الصورة])) -
أختلطت المفاهيم وضاع نقاء
الرساله أصبح هناك تعريف جديد للأحتشام ضاع المقياس الاسلامى .
شاهد فتيات لابسين لبس تتعجب
... كيف نزلت هذه الفتاه بهذا اللباس أمام أبيها أو أخيها او زوجها ؟!!!
شيئ الواحد مش متخيله ، لكن المشكله
أن محدش عارف أن فيه مشكله ، محدش حاسس أن فيه مشكله ، بل قد يمدحون ويُبدون
أعجابهم - الحمد لله همه أحسن من غيرهم كتير - لان محدش واخد المقياس الاسلامى ، بيقيس على جاره وبيقيس على صاحبه بيقيس على دوله غربيه
اودوله شرقيه طبعا دى بتعمل مشاكل ضخمه .

من المسلمين من يحتفل
بالكريسماس وراس السنه اكثر من احتفاله بعيد الفطر او الاضحى .

من المسلمين من يعتقد انه من الصواب أن يدع ما لقيصر لقيصر وما لله لله .

- أختلاط مفاهيم -

من المسلمين من يعتمد فى تفسيره للتاريخ الاسلامى على اليهود والنصارى
.

من المسلمين من ينكر الشفاعه ويرد
المتواتر من الحديث ويستهين بالبخارى ومسلم .

من المسلمين من يقول الحج والله شئ جميل - جميل ، لكن زحمه - زحمه شديده فهو
بيقترح أيه - أنا سمعت الكلام ده بنفسي ... بيقترح ان يكون الحج كل سنه فى مكان ما
أو
فى
نفس السنه نخليه فى كذا مكان
، يعنى بدل مايبقى الزحمه كتير أوي فى مكه
فى
ناس بتوع مصر يحجوا فى طنطا
او الفيوم او فى أى حته اقتراح بيشغل مخه
يعني
- ماهى كل حاجه بالعقل زي ما بيقولو - ، او بدل الزحمه خلينا نعمل الحج طول السنه بدل ماهو متركز فى وقت
واحد كل شويه أيه حبه يروحوا يحجوا فى وقت
من السنه سبحان الله هو شاف
اساتذته من اليهود والنصارى بيغيروا زى ماهمه
عايزين فى دينهم والدنيا برده
ماشيه ليه لأ ؟؟!!!!!

- أختلاط فى المفاهيم واضطراب فى المقاييس -نزول الرساله يا أخوانى فى مكه حيث تعتبر نسبيا معزوله عن الافكار الفلسفيه والقوانين الماديه
والعقائد النظريه الغريبه حافظ على نقاء الرساله ، حافظ على تكوين الصحابه تكوينا اسلاميا خالصا .
وطبعا الدرس كده واضح جدا
- الجيل اللي هيقدر يشيل الامانه الاسلاميه

هو :
جيل يوحد من مصدره يجعله القرءان والسنه
لايخلطه بأفكارالارض شرقيه كانت او غربيه .
- يبقى ديه نقطه تفسر لينا ليه الرسالهتنزل فى
مكان مالوش تاريخ ثقافى معلوم أو ذكريات فلسفيه -

برده
نزول الرساله فى بلد ليس له تاريخ تشريعي يُذكر وضح المعجزه الالهيه فى التشريع الاسلامى .
طبعا
يا أخوانى دي معجزه مهوله فعلا مهوله بكل المقاييس سواء بمقاييس زمان او مقاييس
دلوقتى او مقاييس المستقبل كله من المستحيل من المستحيل فعلا ان تفهم كيف خرج هذا التشريع المتكامل الشامل المفصل
فى هذه البيئه البدويه البسيطه منعدمة التاريخ الا اذا كانت هناك قوه فوق قوة البشر
هى التى فعلت ذلك ، تلك هى قوة الله عزوجل .أنتوا عارفين يا أخوه
ويا أخوات التشريع الاسلامي فعلا تشريع عجيب يعالج كل جزئيه - مهما صغرت - من جزئيات الحياه ، ليست فى العباده والعقيده فقط ولكن فى كل امور تسيير الحياه وعمارة
الارض وسيادة الدنيا .
يعنى
في قوانين متكامله فى السياسه وقوانين متكامله فى
القضاء وقوانين متكامله فى المعاملات فى التجاره والاقتصاد فى
أدارة البيت وتربيه الاولاد ازاى تحاربو ازاى تسالم ازاى تتجوز وازاى تشتغل ازاى حته
ترفه سبحان الله بل والدخول فى أدق التفاصيل وبلا خطأ ولا ثغره ولا
عيب ولا قصور سبحان الله ايه الاعجاز ده !!!!!

نزول
الرساله فى مكه بهذا التكامل العجيب كان اعجازا لا يُنكر- لا يُنكر ، هذا دليل لا يُقاوم على
ألاهية هذا التشريع وربانية هذا المنهج .
إذن نقدر نقول من الكلام اللي قلناه دا
كله ان نزول الرساله فى مكان ليس به تشريعات كثيره معقده كان سببا فى نقاء
التكوين عند الصحابه وصحة الطريق بلا ضلال ولا غموض .يعنى كان بيحمي الاسلام
من الأنحراف او التخبط ، وفى ذات الوقت كان دليلا معجزا على أن هذا
التشريع من عند الله عز وجل .

يبقى
هذه الحكمه الاولى من نزول التشريع الاسلامى فى
هذه البيئه البدويه البسيطه المحافظه على نقاء الرساله ووحدة المصدر .

ولو
عايزين يا أخوانى نرجع أمة الاسلام لوضعها اللى كانت عليه أيام السياده والتمكين يبقى :
لازم
منخلطش القرءان والسنه بأى مصدر تانى ، وعلى فكره ده مش كلامى - دا ملناش
فيه اختيار- دا كلام ربنا سبحانه وتعالى :
(وما كان لمؤمن ولا مؤمنة اذا قضى الله ورسوله - القران والسنه -اذا قضى الله ورسولهامرا أن يكون لهم الخيرة
من أمرهم ومن يعص الله ورسوله فقد ضل ضلالا مبينا )

الحلقه الرابعه لماذا ينزل الوحي في مكه (الجزء الاول)

الحلقه الرابعه لماذا ينزل الوحي في مكه (الجزء الاول)

رد: الحلقه الرابعه لماذا ينزل الوحي في مكه (الجزء الاول)

رد: الحلقه الرابعه لماذا ينزل الوحي في مكه (الجزء الاول)

رد: الحلقه الرابعه لماذا ينزل الوحي في مكه (الجزء الاول)

رد: الحلقه الرابعه لماذا ينزل الوحي في مكه (الجزء الاول)